फैय्याज शेख, भिवंडी

राज्याच्या राजकारणात सध्या विविध हालचाली होताना पाहायला मिळतं आहेत. निवडणुका जाहीर झाल्यापासून फोडाफोडीचे सत्र पाहायला मिळते आहे. अनेक कार्यकर्त्यांनी स्वपक्ष सोडून भाजप आणि शिवसेनेकडे सर्वात जास्त वाटचाल केली आहे. दरम्यान भाजपाकडे आणि शिवसेनेकडे तुलनेने संख्या बळ जास्त झालं आहे. अशात महापालिका निवडणुका होऊन बरेच दिवस उलटले तरी भिवंडी महापालिकेच्या महापौरपदाचा तिढा अद्यापही सुटलेला नाही. दरम्यान भिवंडी महापालिका महापौर निवडणुकीच्या पार्श्वभूमीवर भाजपमधील नाराज नगरसेवकांना शिवसेने कडून फोडण्याचे असल्याची माहिती समोर आली आहे.

भिवंडी महापालिका महापौर निवडणुकीच्या पार्श्वभूमीवर मोठी घडामोड पाहायला मिळत आहे. काही दिवसांपूर्वी कोणार्क विकास आघाडीचे माझी महापौर विलास पाटील आणि भाजपमध्ये राडा झाला होता. या राड्यानंतर विलास पाटील यांना शिवसेनाने जवळ करून महापौर निवडणूक लढण्याचा प्रयत्न करत असल्याने भाजपामध्ये तीव्र नाराजी आहे .

त्यामुळे भाजप शिवसेनेला मदत करणार नसल्याचे चिन्ह दिसत आहे. तसेच बहुमताचा आकडा जमवण्यासाठी शिवसेना आणि भाजपमध्ये शर्यत लागली आहे. त्यामुळे भाजपमधील नाराज नगरसेवकांना शिवसेनेकडून भाजपला फोडण्याचे प्रयत्न सुरु असून भाजपचे अनेक नगरसेवक शिवसेनेच्या संपर्कात असल्याची माहिती सूत्रांची दिली आहे. दरम्यान भिवंडी महापालिकेत कोणाचा झेंडा फडकणार याकडे सर्वांचे लक्ष लागले आहे.

काँग्रेसच्या भूमिकेवर प्रश्नचिन्ह

भिवंडी महापालिका महापौर आणि उपमहापौर पदासाठी सोमवारी १६ फेब्रुवारी रोजी नामनिर्देशन अर्ज करण्यात आले. यामध्ये महापौर पदासाठी ९ तर उपमहापौर पदासाठी ६ जणांनी अर्ज दाखल केले.यामध्ये राजकीय पक्षाच्या ५ जणांनी तर, इतर ४ अपक्षांनी उमेदवारी अर्ज दाखल केले. तसेच उपमहापौर पदासाठी ६ जणांनी अर्ज दाखल केला आहे. त्यापैकी ४ जण राजकीय पक्ष वाले तर इतर पक्षाच्या २ जणांनी उपमहापौर पदासाठी अर्ज भरला आहे. विशेष म्हणजे महापौर पदासाठी प्रबळ दावेदार मानले जाणारे, काँग्रेसचे तारिक मोमिन यांनी महापौर आणि उपमहापौर दोन्हीसाठी नामनिर्देशन दाखल केल्याने काँग्रेसच्या भूमिकेवर प्रश्नचिन्ह उपस्थित होत आहेत.