मंत्री धनंजय मुंडे आणि माणिकराव कोकाटे यांच्यापाठोपाठ उपमुख्यमंत्री एकनाथ शिंदे हे देखील अडचणीत येण्याची शक्यता आहे. यवतमाळ जिल्ह्यातील अमृत योजनेअंतर्गत निकृष्ट पाईपलाईन प्रकरणात एकनाथ शिंदेंचे नाव पुढे आले आहे. मुख्य सचिवांची हायकोर्टात धाव घेत माहिती दिली. बड्या अधिकाऱ्यांची नावे याप्रकरणात पुढे आली आहेत.

यवतमाळ शहरात नव्याने अमृत योजनेअंतर्गत टाकण्यात येणाऱ्या निष्कृष्ट पाईपलाईन प्रकरणात जबाबदार म्हणून तात्कालीन नगर विकास मंत्री एकनाथ शिंदे यांचे नाव खुद्द राज्याच्या मुख्य सचिव सुजाता सैनिक यांनी पुढे करीत गौप्यस्फोट केला. मुंबई हायकोर्टाच्या नागपूर खंडपीठाने जबाबदार अधिकाऱ्यांचे नाव विचारल्यानंतर सैनिक यांनी शपथपत्र सादर करीत न्यायालयाला तात्कालीन मंत्री आणि उच्च पदस्य अधिकाऱ्यांच्या नावाची माहिती दिली यांच्यावर काय कारवाई करणार अशी विचारणा हायकोर्टाने केली असून तीन आठवड्यात त्यावर उत्तर मागितले आहे.