Maharashtra Political News: राजकीय वर्तृळातून एक खळबळजनक बातमी समोर आली आहे. भाजपकडून शेतकरी संघटनेचे नेते रविकांत तुपकर यांना ॲाफर देण्यात आली आहे. रविकांत तुपकर यांनी काल पक्षनेतृत्वावर टीका केली होती. (Latest Marathi News)

रविकांत तुपकर पक्ष सोडत असल्याची चर्चा सुरू असतानाच आता त्यांना भाजपची ॲाफर असल्याची माहिती समोर आली आहे. भाजपच्या राज्य ओबीसी सेलचे समन्वयक डॅा.आशिष देशमुख यांनी ॲाफर तुपकरांना ही ऑफर दिली आहे.

शेतकरी संघटनेत बहुजन समाजाच्या नेत्यांवर अन्याय होत असल्याचा आरोप आहे. तुपकर यांनी पक्ष संघटनेवर दावा करण्यापेक्षा मोदींच्या नेतृत्त्वात भाजपमध्ये यावं, आम्ही स्वागत करायला तयार आहोत, अशी खुली ऑफर आशिष देशमुखांनी दिली आहे.

नाना पटोले यांची नानागिरी संपेल, लवकरच त्यांचं प्रदेशाध्यक्ष पद जाईल, अशा शब्दांत देखील आशीष देशमुखांनी खरमरीत टीका केली आहे.