रुपाली बडवे, प्रतिनिधी...

Maharashtra Political Crisis: गेल्या दोन दिवसांपासून राष्ट्रवादी (NCP) पक्षात नाट्यमय घडामोडी घडताना दिसत आहेत. उपमुख्यमंत्री अजित पवार (Ajit Pawar) यांच्या गटाचे सर्व आमदार राष्ट्रवादी काँग्रेसचे सर्वेसर्वा शरद पवार (Sharad Pawar) यांच्या भेटीसाठी पोहोचले आहेत.

काल अजित पवार गटाच्या मंत्र्यांनी शरद पवारांची भेट घेतल्यानंतर, आज आमदारही शरद पवारांच्या भेटीसाठी दाखल झाले. या भेटीनंतर अजित पवार गटाचे प्रफूल पटेल यांनी पत्रकारांशी बोलताना भेटीचे कारण स्पष्ट केले. (Maharashtra Politics)

काय म्हणाले प्रफूल पटेल...

यावेळी बोलताना प्रफूल पटेल (Praful Patel) यांनी "काल रविवार असल्यामुळे अनेक आमदार गैरहजर होते. त्यामुळे अनेकांनी शरद पवार यांची भेट घेतली नव्हती. त्यामुळेच पुन्हा शरद पवार यांचा आशिर्वाद घेण्यासाठी आल्याचे सांगितले. आज विधिमंडळाचे अधिवेशन सुरू झाल्यामुळे बर्‍यापैकी आमदार मुंबईला हजर होते. त्यामुळे या सगळ्यांनीही शरद पवार यांचा आशिर्वाद घेण्याची इच्छा व्यक्त केल्याचे ते म्हणाले.

शरद पवारांना पुन्हा साद...

तसेच याबद्दल पुढे बोलताना "काल बोलल्याप्रमाणे आम्ही पक्ष संघटना मजबूत एकसंध राखण्यासाठी त्या दिशेने पवार साहेबांनी विचार करावा अशी विनंती करून आम्ही इथून आता जात आहोत.." असेही त्यांनी यावेळी सांगितले.

महाविकास आघाडीची टीका...

दरम्यान, शरद पवार आणि अजित पवार यांच्या भेटींवर महाविकास आघाडीनेही Mahavikas Aaghadi) नाराजी व्यक्त केली आहे. या भेटींमधून अजित पवार हे सहानभूती मिळवण्याचा प्रयत्न करत आहेत.. अशी खोचक टीका शिवसेना ठाकरे गटाचे नेते अंबादास दानवे (Ambadas Danve) यांनी केली आहे. (Latest Marathi News)