Maharashtra NCP Crisis:

राष्ट्रवादीमधील संघर्षाचा वाद आता निवडणूक आयोगाच्या कोर्टात गेला आहे. काल झालेल्या सुनावणीत निवडणूक आयोगासमोर अजित पवार गटाने शरद पवार पक्षात मनमानी करत होते, त्यांनी केलेल्या नियुक्त्या बेकायदेशीर असल्याचा दावा केला. या सुनावणीवर बोलताना शरद पवार गटाचे नेते जिंतेंद्र आव्हाड भावूक झाले.

काय म्हणाले जितेंद्र आव्हाड?

निवडणूक आयोगात (Election Commission) सुरू असलेल्या सुनावणीत अजित पवार गटाने शरद पवारांवर गंभीर आरोप केले होते. याच मुद्द्यावर बोलताना जितेंद्र आव्हाड भावूक झाल्याचे पाहायला मिळाले. "काल निवडणुक आयोगासमोरील युक्तिवादात असा एक मुद्दा असा होता की डोळ्यात पाणी आले. स्वतःची राजकीय लढाई जिंकण्यासाठी शरद पवारांकडे बोट दाखवले, असे म्हणत सोडून जायचं होतं तर सांगून जायचं होते असे जिंतेद्र आव्हाड यावेळी म्हणाले.

तसेच ज्यांनी पक्षाला मोठे केले. बोट धरुन राजकारणात आणले, त्यांनाच बाहेर काढत आहेत. असे म्हणत ज्या माणसाने हे झाड लावलं, मोठं केलं; त्या माणसाला आज हे भोगावं लागत आहे..असे आव्हाड म्हणाले.

अजित पवार (Ajit Pawar) गटाकडे मुद्दे नसल्यामुळे ते आमदारांच्या मतावर युक्तिवाद करत आहेत. पक्ष संघटनेबाबत ते काहीही बोलत नाहीत. परंतु आमदारांना झालेले मतदान हे पक्षाचे असते. जर तेउमेदवाराचे असेल तर मला माझ्या नावावर मतदान पडते.. असेही जिंतेंद्र आव्हाड म्हणाले. (Latest Marathi News)