मराठा आंदोलक मनोज जरांगे पाटील यांच्या आमरण उपोषणाचा आजचा आठवा दिवस असून त्यांची तब्येत खालवली आहे, मनोज जरांगे यांनी पाणी आणि सलाईन घ्यावी यसाठी उपस्थित महिला विनंती करत आहे. तसच जरांगे पाटिल यांच्या सहकाऱ्याकडून देखील जरांगे यांना उपचार घेण्याची विनंती होत आहे. दरम्यान संभाजीनगरचे डॉक्टर आणि नारायणगडचे शिवाजी महाराज देखील आंदोलनास्थळी दाखल झाले आहे आणि ते मनोज जरांगे यांना पाणी आणि उपचार घेण्याची विनंती करत आहे.
अक्षय शिंदे यांचा शवविच्छेदण सुरुवात झालेले असतानाचा व्हिडिओ रेकॉर्डिंग करण्यात आलं. या व्हिडिओ रेकॉर्डिंग नंतर अक्षय शिंदे याचे फिंगर प्रिंट्स हे देखील घेण्यात आलेले आहेत. पुढील तासाभरात अक्षय शिंदे यांचा शवविच्छेदन प्रक्रिया पूर्ण होणार आहे.
मालवण राजकोट पुतळा दुर्घटना प्रकरणात जयदीप आपटेने जिल्हा सत्र न्यायालयात जामिनासाठी अर्ज केला आहे. मालवण येथील दिवाणी न्यायालयाने जयदीप आपटेला 24 सप्टेंबरपर्यंत न्यायालयीन कोठडी सुनावली होती. आज न्यायालयीन कोठडीची मुदत संपल्यानंतर जयदीप आपटेच्या वकिलांनी जामिनासाठी अर्ज केला आहे.
केंद्रीय गृहमंत्री अमित शहा नागपूर विमानतळावर दाखल होतात भर पावसात ढोल ताशाचा गजरात त्यांचा स्वागत करण्यात आला यावेळी भव्य पुष्प हार घालून त्यांचा जंगी स्वागत करण्यात आलं यावेळी तेही पावसाची तमांना बाळगता गाडीखाली उतरून त्यांनी पदाधिकाऱ्यांनी केलेला स्वागताचा स्वीकारलं यावेळी उपमुख्यमंत्री देवेंद्र फडणवीस त्याच्यासोबत होते.
महाराष्ट्र-छत्तीसगड सीमेवर पोलीस आणि नक्षलवाद्यांमध्ये झालेल्या चकमकीत गडचिरोली जिल्ह्यात सक्रिय असलेल्या 25 लाख रुपये इनामी जहाल नक्षली रुपेश मडावीचा मृत्यू झाल्याचे समोर आले आहे. अबूझमाडच्या जंगलात काल छत्तीसगडच्या सुरक्षा दलांसोबत झालेल्या चकमकीत तीन नक्षलवादी ठार झाले होते. यातील पुरुष नक्षलवाद्याची ओळख पटली असून गेली 20 वर्ष गडचिरोली जिल्ह्याच्या नक्षली संघटनेत सक्रीय भूमिकेत असलेला रुपेश मडावी याचा समावेश आहे. तो नक्षलवाद्यांच्या दंडकारण्य झोनल समितीचा सदस्य आणि कंपनी क्रमांक दहाचा कमांडर होता. त्याच्यावर 70 पेक्षा जास्त गुन्हे दाखल असून पोलीस उपनिरीक्षक वनमाने यांच्यासह काही पोलीस जवानांच्या हत्येचा तो गुन्हेगार होता.
मुळशी: अनुसुचित जमातीची अंमलबजावणी व्हावी यासाठी सकल धनगर समाज भोर,राजगड,मुळशी यांच्या वतीने घोटावडे फाटा येथे रास्ता रोको आंदोलन करण्यात आले.धनगर समाजाला अनुसुचित जमातीत आरक्षण असून ‘र‘ चा ‘ड’ झाला असून सरकारने दुरूस्ती करून जीआर काढावे व तात्काळ धनगर समाजाला अनुसुचित जमातीचे प्रमाणपत्र देण्याचे जिल्हाधिकारी यांना द्यावेत आदी मागण्यांसाठी धनगर समाज रस्त्यावर उतारला होता.
ही फेक एन्काऊंटरची स्क्रिप्ट आहे मी प्रश्न उपस्थितीत केला आहे, मग फडणवीस यांनी काय केलं पाहिजे ९ एम एम चे पिस्तूल सामान्य माणसाला त्याचं लॉक उघडता येत नाही एस आय टी स्थापन करणे म्हणजे थट्टा आहे. माझीच बॅट, माझाच बॉल असं झालं पोलिसांनी एक कपोकल्पित कथा कशी मानायची?, असे सुषमा अंधारे म्हणाल्या.
विधानसभा निवडणुकीच्या पार्श्वभूमीवर राष्ट्रवादी कॅाग्रेसकडून राज्यात २ सर्व्हे
लोकसभा निवडणुकीत राष्ट्रवादीला केवळ एका जागेवर विजय मिळवता आला
यानंतर पक्षाकडून राज्यात करण्यात आलेल्या सर्हेत निगेटिव्ह रिपोर्ट
सध्या लाडकी बहीण योजनेचा राज्यातील अनेक महिलांना लाभ मिळाला
या योजनेनंतर करण्यात आलेल्या सर्व्हत पॅाझिटीव्ह रिपोर्ट
शरद पवार आणि त्यांच्या पक्षावर टीका न करणे, योजनांचा प्रसार करणे आणि महायुतीमध्ये राष्ट्रवादी घेत असलेल्या भूमिकांमुळे लोकांमध्ये पक्षाविषयी सकारात्मक भावना असल्याचे सर्व्हेत नमूद
पुढच्या महिन्यात पक्षाकडून आणखी एक सर्वे होणार
राज्यभरातील आमदारांचे स्थानिक पातळीवरील काम आणि लोकांमधील प्रतिमा याबाबत विचार करुन उमेदवारी जाहीर केली जाणार
सूत्रांची साम टिव्हीला माहिती
अक्षय शिंदे तळोजा मधून बदलापूर मध्ये न्यायचं असेल तर गाडी मुंब्राकडे का नेली? पोलिसांनी चार्जशीट रविवारी का फाईल केलं गेलं? संजय शिंदे वादग्रस्त पोलीस अधिकारी आहे. विजय पलांडे याला पळवून लावण्यात त्यांचा हाथ होता. प्रदीप शर्मा यांचा तो जवळचा होता. हा माणूस सस्पेंड होता. देवेंद्र फडणवीस तुम्ही कधी पोलिसांचा सन्मान ठेवला का? आपण नितेश राणे यांना समज देऊ शकला नाहीत. अक्षय शिंदे याला संपवल्युळे हे प्रकरण संपत नाही. कोणाला वाचवल्या जातेय आहे? ही संपूर्ण घटना हे राज्य प्रायोजित दहशतवाद आहेसुषमा अंधारे
1) बदलापूर शाळेचे विश्वस्त कुठे आहेत? त्यांना भाजप-मिंधे राजवट का संरक्षण देत आहे?
२) मिंधेचे स्थानिक पदाधिकारी वामन म्हात्रे यांनी एका पत्रकाराला प्रश्न विचारला की, ती स्वत:वर बलात्कार झाल्यासारखी घटना का विचारत आहे. त्याला संरक्षण का दिले जात आहे?
३) आंदोलन करणाऱ्या नागरिकांवरील खटले परत घेणार का? त्यांना गुंडांसारखी वागणूक दिली जात होती. ते फक्त आठवडाभर पीडितेची तक्रार घेण्यास पोलिसांनी नकार दिल्याच्या निषेधार्थ आंदोलन करत होते?
पोलीस स्टेशन कोणाचे संरक्षण करत होते?
शाळेच्या विश्वस्तांचा भाजपशी संबंध असल्याचे समजते. आणि त्यांचे संरक्षण केले जात आहे. ते खरे आहे का?
राजकोट किल्ला येथे नव्याने शिवपुतळा उभारण्यासाठी महाराष्ट्र राज्याच्या सार्वजनिक बांधकाम विभागाने २० कोटी रुपयांची निविदा प्रक्रिया सुरू केली आहे. सार्वजनिक बांधकाम विभाग कार्यकारी अभियंता कणकवली यांनी ही निविदा प्रक्रिया केलेली आहे. राजकोट किल्ला येथे उभारण्यात आलेला शिव पुतळा अवघ्या आठ महिन्यात कोसळल्यानंतर तीव्र स्वरूपात शिवभक्तांच्या भावना संपूर्ण महाराष्ट्रात आणि देशाभरात उमटल्या होत्या. शिवपुतळा घाईगडबडीत उभारण्यात आल्याची टीका अनेकांनी केली होती. राज्य शासनाच्या वतीने नव्याने शिवपुतळा उभारण्यात येणार असल्याचे जाहीर करण्यात आले होते. अखेर राज्य शासनाने राजकोट किल्ला येथे शिवछत्रपती महाराज पुतळ्याचा रचना, अभियांत्रिकी, बांधकाम, उभारणी, संचलन आणि देखभाल दुरुस्ती करण्याची निविदा प्रसिद्ध केलेली आहे. यासाठी सुमारे 20 कोटी अंदाजे खर्च गृहीत धरण्यात आला आहे काम पूर्ण करण्यासाठी सहा महिन्याची मुदत देण्यात आलेली आहे.
देशाचे गृहमंत्री अमित शहा आज नागपूर दौऱ्यावर आहे. नागपूरच्या कविवर्य सुरेश भट सभागृहात बैठकीचं आयोजन करण्यात आलय. या बैठकीत विदर्भातील 62 विधानसभा मतदारसंघातील प्रमुख पदाधिकाऱ्यांसोबत अमित शहा संवाद साधणार आहे.
लोकसभा निवडणुकीत विदर्भात महायुतीला मिळालेलं अपयश आणि आगामी विधानसभा निवडणुकीत विजयासाठी आखली जाणारी रणनीती यावर या बैठकीत विचार मंथन होण्याची शक्यता आहे. त्यामुळे विधानसभा निवडणुकीपूर्वी नुकतच पंतप्रधान नरेंद्र मोदी यांचा झालेला वर्धा दौरा आणि आज अमित शहा यांचा नागपूर दौरा हा कार्यकर्त्यांना बळ देणारा ठरणार आहे.
यावेळी सुरेश भट सभागृहाजवळ सुरक्षेच्या अनुषंगाने पोलिसांचा फौजफाटा तैन्यात करण्यात आला आहे...
अमरावती जिल्ह्यातील दर्यापूर शहरातील बाभळी टी पॉइंट येथे ट्रकने साठ वर्षीय इसमाला चिरडले.
अकोला कडून अंजनगाव सुर्जी कडे जात असताना सदर ट्रकच्या मागील चाकामध्ये येऊन इसमाचा जागीच मृत्यू.
घटनास्थळी नागरिकांची पाहण्यासाठी मोठ्या प्रमाणात गर्दी
वाहतूक विस्कळीत झाल्याने घटनास्थळी दर्यापूर पोलीस दाखल ट्रक चालक अपघात झाल्यानंतर ट्रक सोडून फरार
नरेंद्र मोदी दौऱ्याअगोदर मेट्रो स्टेशन नावावरून वाद
पुण्यातील मंडई मेट्रो स्टेशनचे नाव मंडई मेट्रो न देता महात्मा फुले मंडई मेट्रो स्टेशन द्यावे अशी मागणी
पंतप्रधान नरेंद्र मोदी यांच्या हस्ते 26 सप्टेंबरला मेट्रोच्या भुयारी मार्गाचं उद्घाटन होणार आहे.यामध्ये मंडई मेट्रो स्टेशनचा समावेश आहे.
या विरोधात आज मंडई मेट्रो स्टेशन समोर माळी महासंघातर्फे निषेध आंदोलन करण्यात येणार
सकाळी 11 वाजता आंदोलन करण्यात येणार
26 तारखेला पंतप्रधान मोदी यांच्या हस्ते या भूमिगत मार्गिकेचे उदघाटन होणार असले तरी अजून खूप काम बाकी आहे , लवकरच आचारसंहिता लागणार असल्याने अपूर्ण स्थानकाचे ही उदघाटन केले जात असल्याचा आरोपही केला जात आहे.
कल्याण पूर्वेकडील नांदीवली परिसरात धक्कादायक प्रकार
जुन्या वादातून तरुणाची हत्या
अयुब शेख असे मयत तरुणाचे नाव
कोळशेवाडी पोलिसांनी ठोकल्या बेड्या इतर फरार आरोपींचा शोध सुरू
जुन्या वाद मिटवण्यासाठी आले असता पुन्हा झाला वाद
या वादातून अयुब ची धारदार शस्त्रांनी केली हत्या
मुख्यमंत्री एकनाथ शिंदेसह दोन्ही उपमुख्यमंत्र्यांचा उद्या नियोजित असलेला सोलापुराचा दौरा पुढे ढकलला
लाडकी बहीण योजनेच्या निमित्ताने मुख्यमंत्री एकनाथ शिंदे आणि उपमुख्यमंत्री देवेंद्र फडणवीस, उपमुख्यमंत्री अजित पवार यांचा सोलापुरात नियोजित होता कार्यक्रम
मात्र केंद्रीय गृहमंत्री अमित शाह हे दोन दिवस महाराष्ट्रमध्ये असल्याने या दोन दिवसात जागा वाटप संदर्भात महत्वाच्या बैठका होण्याच्या शक्यता असल्याने दौरा पुढे ढकलल्याची सूत्रांची माहिती
विधानसभा निवडणुकीत महिला आणि तरुणांच्या मतांवर भाजपचा डोळा. भाजप कोअर कमिटी बैठकीत युवा मोर्चा आणि महिला मोर्चांवर विशेष जबाबदारी. तरुण आणि महिलांची मतदार नोंदणी मोठ्या प्रमाणात करण्याची व्यूहरचना. लाडकी बहीण आणि लाडका भाऊ योजनेचे लाभार्थी वाढवण्यासाठी दिला जाणार भर.
कोल्हापूरच्या शिवाजी विद्यापीठातील मुलांचे वस्तीगृह क्रमांक एक मधील मेसच्या जेवणात अळ्या आढळल्याचां धक्कादायक प्रकार उघडकीस आला आहे. काल जेवणावेळी वरनात अळ्या आढळून आल्याचा प्रकार उघडकीस आला आहे. दरम्यान विद्यार्थ्यांनी निकृष्ट जेवणाचा पंचनामा केलाय. तसेच जेवणात अळ्या आढळण्याचे प्रकार वारंवार घडत असल्याचं विद्यार्थ्यांनी म्हटल आहे. या संदर्भात रेक्टर सह विद्यापीठ प्रशासनाला निवेदनपत्र देऊनही दखल घेतली जात नसल्याचं विद्यार्थ्यांनी म्हटलय. या प्रकारामुळे वस्तीगृहातील 200 हुन अधिक विद्यार्थ्यांच्या आरोग्याचा प्रश्न ऐरणीवर आला आहे.
सिद्धिविनायक लाडू आणि महाप्रसादा संदर्भात जो व्हिडिओ व्हायरल झाला आहे तो फेक असल्याचा दावा सिद्धिविनायक व्यासचे अध्यक्ष सदा सरवणकर यांनी केला आहे.. सिद्धिविनायक परिसरात या ठिकाणी लाडू बनवले जातात किंवा ठेवले जातात तो परिसर अत्यंत स्वच्छ आहे मात्र जो व्हिडिओ काढला आहे तो उकिरडा असलेल्या ठिकाणी काढला आहे... त्यामुळे हा बदनाम करण्यासाठीचा प्रयत्न कोणीतरी केला आहे असा देखील आरोप सदा सरवणकर यांनी केला आहे... या प्रकरणात आम्ही चौकशी करून कारवाई करू... असं देखील ते म्हणाले
समृद्धी महामार्गावर टोलची रक्कम मोठी असूनही टोल नाक्यांवर सुविधा मिळत नसल्याच्या शेकडो तक्रारी वाहनधारकांनी केल्यानंतर महाराष्ट्र राज्य रस्ते विकास महामंडळाने 69 नोटिसेस बजावल्यावरही टोल वसुली करणाऱ्या कंपनीने आपल्या कामात कुठलेही सुधारणा न केल्याने समृद्धीवरील टोल वसुली करणाऱ्या एजन्सीचा कंत्राट आता एमएसआरडीसीने रद्द केल्याची माहिती सूत्रांनी दिली आहे.
Bhandara News : मित्रासाठी मोबाईल घेऊन गावाकडे एका दुचाकीवरून परतनाऱ्या दुचाकीस्वारांना विरुद्ध दिशेने आलेल्या भरधाव ट्रकने जबर धडक दिली. या भीषण अपघातात दुचाकीवरील दोन मित्रांचा घटनास्थळीच मृत्यू झाला.
अमित शहा हे निवडणूक शास्त्रात अतिशय बारकाईने मार्गदर्शन करणाऱ्यापैकी भाजपमधील नेते आहे. सूक्ष्म नियोजन करणार आहे. MVA ला समर्पक पद्धतीने उत्तर देऊन बुथवर लक्ष केंद्रित करण्यावर भर आहे.सुधीर मुनगंटीवार
Mla Disqualification case : शिवसेना आणि राष्ट्रवादी काँग्रेस आमदार अपात्रता प्रकरणी आज सुप्रीम कोर्टात सुनावणी
शिवसेना आणि राष्ट्रवादी काँग्रेस आमदार अपात्रता प्रकरणी आज सुप्रीम कोर्टात सुनावणी
एकनाथ शिंदे आणि अजित पवार यांच्या सोबत गेलेल्या आमदारांना विधानसभा अध्यक्ष राहुल नार्वेकर यांनी अपात्र केलं नाही म्हणून ठाकरे गट आणि शरद पवार गटाकडून दाखल केल्यानंतर याचिका
मागच्या २ आठवड्यात कोर्टाने या सुनावणीसाठी तारखा निश्चित केल्या होत्या मात्र त्यावर सुनावणी झाली नव्हती
कोर्टाने आजची तारीख सुनावणीसाठी निश्चित केली असल्याने आज तरी सुनावणी होते का हे पाहणं महत्वाचं
विधानसभेच्या निवडणुका तोंडावर असल्याने आणि त्यानंतर मुख्य न्यायमूर्ती धनंजय चंद्रचूड हे निवृत्त होणार असल्याने या प्रकरणाचा निकाल त्यापूर्वी लागणे अपेक्षित आहे
आज कोर्टाने प्रकरण ऐकलं तर सुनावणीची दिशा निश्चित होईल
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.