राज्याच्या राजकारणातील एक धगधगतं पर्व, अष्टपैलू नेतृत्व आणि 'दादा' या शब्दाला खऱ्या अर्थानं वजन प्राप्त करून देणाऱ्या अजितदादाच्या अकाली एक्झिटनं अनेकांना धक्का बसला. विधिमंडळातील शोकप्रस्तावादरम्यान मुख्यमंत्री देवेंद्र फडणवीसांनी ''महाराष्ट्राला न लाभलेले उत्तम मुख्यमंत्री' अशा शब्दांत दादांच्या प्रशासनावरील पकड आणि कार्यपद्धतीचं कौतुक केलयं.

तर उपमुख्यमंत्री एकनाथ शिंदेंही शोकप्रस्तावावर बोलताना भावूक झाले. "दादांनी वेळ चुकवली," असं म्हणत लाखांचा पोशिंदा जगायला हवा होता, अशी खंत शिंदेंनी बोलून दाखवली. इतकचं काय तर उद्धव ठाकरेंनीही अजितदादांच्या शिस्तीची तुलना थेट शिवसेनाप्रमुख बाळासाहेब ठाकरेंशी केलीय. तर दुसरीकडे, विजय वडेट्टीवार यांनी राज्यात भाऊ खूप आहेत आणि होतीलही पण दादा एकच" असं म्हणत अजितदादांच्या आठवणींना वाट मोकळी करून दिलीय. तर दुसरीकडे, विजय वडेट्टीवार यांनी राज्यात भाऊ खूप आहेत आणि होतीलही पण दादा एकच" असं म्हणत अजितदादांच्या आठवणींना वाट मोकळी करून दिलीय.

सत्ताधारी असो की विरोधक दादांच्या एक्झिटनं प्रत्येकाच्या डोळ्यात आज आसवं दाटून आली. दादांसारखं वादळी नेतृत्व महाराष्ट्रानं गमावल्याचं सभागृहातील नेत्याच्या भाषणानं पुन्हा अधोरेखित झालयं...मात्र नियतीनं राज्याच्या भविष्यातलं एक 'उत्तम मुख्यमंत्री' होण्याचं स्वप्न अधुरं ठेवलं असलं, तरी जनतेच्या मनातला 'लाखांचा पोशिंदा' म्हणून दादांचं नाव कायम स्मरणात राहिलं हे निश्चित