जालना - एकीकडे महाराष्ट्रात मास्कसक्तीचे निर्बंध हटवण्यात आले आहे. तर दुसरीकडे कोरोनाने पुन्हा एकदा डोकं वर काढलं आहे. या पार्श्वभूमीवर आरोग्यमंत्री राजेश टोपे (Rajesh Tope) यांनी एक मोठं वक्तव्य केलं आहे. महाराष्ट्र सध्याच्या कोरोना (Corona) रुग्ण संख्येच्या बाबतीत खाली 8 व्या क्रमांकावर आहे. राज्यात चांगल्या पद्धतीने झालेल्या लसीकरणाचा परीणाम आहे.

हे देखील पाहा -

सर्व वयोगटातील नागरीकांना लसीकरण करण्यात येणार असून केंद्राकडून सूचना आल्यानंतर त्यानुसार नियोजन केले जाणार आहे. आरोग्य विभागाला तशा सूचना केल्या जातील मात्र मास्क नागरीकांनी वापरावा असं आवाहन आरोग्यमंत्री राजेश टोपे यांनी केलं आहे.

रुग्णसंख्येचं प्रमाण वाढत असल्याने सध्या देशात चिंतेचं वातावरण आहे. भविष्यात कोरोना रुग्ण संख्या वाढल्यास मास्क सक्ती करावी लागेल असा ईशारा देखील टोपे यांनी दिला आहे. महाराष्ट्र दिनानिमित्त टोपे यांच्या हस्ते जालन्यात मुख्य ध्वजारोहण कार्यक्रम पार पडला. त्यानंतर ते माध्यमांशी बोलत होते.

Edited By - Shivani Tichkule