मुंबई : मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचा शपथविधी सोहळा जूनच्या अखेरीस राजभवनात पार पडला. त्यानंतर महिना उलटला तरीही राज्य सरकारला मंत्रिमंडळ विस्ताराचा मुहूर्त सापडत नव्हता. त्यामुळे राजकीय वर्तुळात अनेक तर्क-वितर्कांना उधाण आलं होतं. परंतु, आता राजकीय वर्तुळातून मोठी बातमी समोर आली आहे. ५ ऑगस्टला मंत्रिमंडळ विस्तार सायंकाळी ६ वाजता राजभवन येथे होणार असल्याची माहिती खात्रीलायक सूत्रांनी दिली आहे. राजभवन नव्या मंत्र्यांचा शपशविधी होणार असल्याचंही समजते. दरम्यान, मुख्यमंत्री एकनाथ शिंदे यांनी नुकताच दिल्ली दौरा केला होता. या दौऱ्यात मंत्र्यांच्या नावाची यादी मंजूर झाली आहे, अशीही माहिती सूत्रांनी दिली आहे.