Ulhasnagar Vidhansabha, Exit Polls Sabha: उल्हासनगर हा मतदारसंघ अतिशय महत्वाचा मानला जातोय. उल्हासनगमध्ये राष्ट्रवादी शरद पवार गट आणि भाजप यांच्यात जोरदार लढत पाहायला मिळाली. शरद पवार गटाकडून ओमी कलाणी तर भाजपकडून कुमार आयलानी मैदानात उतरले होते. दोन्ही उमेदवारांनी पूर्ण जोर लावला. मात्र ओमी कालानी यांना संभाव्य आमदार म्हटलं जात आहे.

मुख्य बाब म्हणजे भाजपचे कुमार आयलानी हे विद्यमान आमदार आहेत. २०१९ मध्ये झालेल्या विधानसभा निवडणुकींमध्ये ते मोठ्या फरकाने जिंकून आले होते. मात्र यावेळी त्यांना धक्का बसण्याची शक्यता आहे. त्यामुळे उल्हासनगरमध्ये सत्तांतर होण्याची चिन्ह आहेत.

उल्हासनगरमध्ये ५ उमेदवारांमध्ये चुरशीची लढत पाहायला मिळाली. उल्हासनगर मतदारसंघ हा सिंधी मतदारसंघ म्हणून ओळखला जातो. उल्हासनगरमध्ये ५४ टक्के मतदान झालंय. ओमी कालानी यांच्या प्रचारासाठी पप्पु कालानी यांनीही प्रचारात जोर लावल्याने त्यांना संभाव्य आमदार म्हटलं जात आहे.