उत्तर प्रदेशचे मुख्यमंत्री योगी आदित्यनाथ यांच्या जाहीर सभेसाठी बंदोबस्तात तैनात असलेल्या पोलिसाचा अपघातात मृत्यू झालाय. हा अपघात अमरावती-नागपूर राष्ट्रीय महामार्गावरील तळेगाव ठाकूर फाट्यासमोरील उर्ध्व वर्धा कालव्याजवळ घडला. संदीप देविदास ३९ वय असे या पोलीस कर्मचाऱ्याचं नाव आहे. संदीप चौधरी हे २००८ पासून पोलीस दलात कार्यरत होते. सध्या ते चांदुर बाजार पोलिस स्टेशन मध्ये कार्यरत होते.

राज्यात विधानसभा निवडणुकींसाठी उमेदवारांचा प्रचार सुरू झालाय. राजकीय पक्षांकडून वेगवेगळ्या ठिकाणी प्रचार केला जात आहे. प्रचारांसाठी नेत्यांची फळी मैदानात उतरवलीय. महायुतीने साधारण ४० पेक्षा जास्त नेत्यांना स्टार प्रचारकाची जबाबदारी दिलीय. आज भाजपचे स्टार प्रचारक योगी आदित्यनाथ यांची जाहीर सभा अमरावती येथील गुरूकुंज मोझरी येथे होती.

या सभेसाठी मोठा बंदोबस्त तैनात करण्यात आला होता. याच बंदोबस्तसाठी संदीप देविदास तैनात होते. दुपारी योगी आदित्यनाथ यांची सभा संपल्यानंतर ते घरी परतत होते. परतीचा प्रवास करताना मरावती नागपूर राष्ट्रीय महामार्गावर त्यांचा अपघात झाला. तळेगाव ठाकुर फाट्यासमोर उर्ध्व वर्धा येथे त्यांच्या दुचाकीचा अपघात झाला.

अमरावतीहुन गडचिरोली जाणाऱ्या एसटी बसने त्यांच्या दुचाकीला जोराची धडक दिली. यामध्ये दुचाकीसह संदीप चौधरी यांना एसटी बसने काही अंतरापर्यंत फरफटत नेले. यामधे त्यांचा जागीच मृत्यू झाला.