Sangli : आरोप करण हे विरोधकांचं कामच आहे. परंतु गेल्या एका महिन्यात आमच्या सरकारनं मोठ्या प्रमाणात लोकाभिमुख निर्णय घेतले. आमच्या निर्णयांबाबत जनतेला सर्व माहित आहे असं मुख्यमंत्री एकनाथ शिंदे (Eknath Shinde) यांनी येथे नमूद केले. मंत्रिमंडळ विस्तार झाला परंतु अद्याप स्वातंत्र्यदिनासाठी राज्यात पालकमंत्री नाहीत अशी टीका विराेधकांकडून केली जात असल्याच्या प्रश्नावर मुख्यमंत्री शिंदे बाेलत हाेते. (cm eknath shinde sangli latest marathi news)

मुख्यमंत्री एकनाथ शिंदे हे सांगली जिल्ह्याचे दाै-यावर आले हाेते. त्यावेळी माध्यमांच्या प्रश्नांना त्यांनी उत्तर देताना आम्ही जनतेच्या हिताच्या निर्णय घेतले आहेत. आमच्या निर्णयाची माहिती जनतेस आहे. सांगली आणि काेल्हापूर जिल्ह्यातील शेतक-यांना मदत व्हावी यासाठी आमचं सरकार काळजी घेत आहे.

सांगली जिल्ह्यातील खानापूर विटा मतदार संघाचे शिवसेना शिंदे गट आमदार अनिल बाबर यांच्या पत्नीचे काही दिवसांपूर्वी निधन झालं. बाबर कुटुंबियांचे सांत्वन करण्यासाठी मुख्यमंत्री एकनाथ शिंदे हे विटा येथे आले हाेते. तसेच वसंतदादा पाटील यांची नात, विशाल पाटील आणि माजी केंद्रीय मंत्री प्रतीक पाटील यांच्या बहीण डॉ. मधु पाटील यांचे हृदयविकाराच्या धक्क्याने निधन झाल्याने मुख्यमंत्री शिंदे यांनी पाटील कुटुंबियांची भेट घेत सांत्वन केले.

Edited By : Siddharth Latkar