नांदेड मध्ये आज पासून शिवमहापुरान कथेचे आयोजन करण्यात आले आहे.सात दिवस चकणारऱ्या या महाकथेत पहिल्याच दिवशी पावसाने खोडा घातला आहे.हा कार्यक्रम येकण्यासाठी आलेल्या हजारो भाविकांची पावसामुळे मोठी तारांबळ उडाली आहे.पाऊस एव्हढा मोठा होता मी वॉटरप्रूफ मंडपातून देखील पावसाचे पाणी आत आले.त्यामुळे हजेरो भाविकांना या पावसाचा फटका बसला.

त्र्यंबकेश्वरमध्ये संध्याकाळी ७ वाजल्यापासून मुसळधार पाऊस सुरू असून मुसळधार पावसामुळे गोदावरी नदी काठोकाठ भरून वाहात आहे. त्यामुळे पूरसदृश्य स्थिती निर्माण झाली आहे. शहरातील मेन रोड, तेली गल्लीसह अन्य काही भागात पाणी शिरलं आहे. बाजारपेठेतील रस्त्यांना नदीचं स्वरूप आलं आहे. त्र्यंबकेश्वरच्या दर्शनासाठी आलेल्या भाविकांना मात्र पावसाचा फटका बसला असून भाविकांची तारांबळ उडाली.

कायदा व सुव्यवस्था राखण्यासाठी पुणे पोलिसांकडून उद्या शहरात विशेष गस्त असणार आहे.यावेळी वरिष्ठ अधिकाऱ्यांसह पोलीस कर्मचारीही तैनात असणार आहेत. महाराष्ट्र बंदची देण्यात आलेली हाक मागे घेतली असली तरी सुद्धा पुणे पोलिसांकडून खबरदारी घेण्यात येत आहे. पीएमपी बस आणि एस टी महामंडळच्या अधिकाऱ्यांशी सुद्धा आज पोलिसांनी चर्चा केली आहे.

मुंबईतील म्हाडाच्या इमारतीतील रहिवाशांकरता खुश खबर आहे. म्हाडा इमारतीत आता लिफ्ट बसवल्या जाणार आहेत. मुंबई शहरातील पाच मजली म्हाडाच्या इमारतीमध्ये आता मुंबई महानगरपालिकेकडून लिफ्ट बसवण्यात येणार असल्याची माहिती, ⁠मंत्री दिपक केसरकर यांनी दिली आहे.

कोर्टाच्या आदेशानुसार पुणे व्यापारी असोसिएशनने उद्याचा संप मागे घेतला आहे. मात्र महाविकासआघाडीच्या बंदला पुणे व्यापारी असोसिएशन जाहीर पाठिंबा दिला आहे.

आलोक शर्मा यांच्यावर वांद्रे पोलीस ठाण्यात मराठी माणसाला बलात्कारी म्हटल्याप्रकरणी गुन्हा दाखल करण्यात आला आहे. तक्रारदार राहूल कनाल थोड्याच वेळात वांद्रे पोलीस ठाण्यात पोहोचतील.

न्यायालयाच्या निर्णयाचा सर्वांनी आदरच केला पाहिजे. याआधी देखील न्यायालयाने अतिशय स्पष्टपणे निर्देश दिले होते की राजकीय पक्षांना अशा प्रकारचा बंद करता येणार नाही. ज्यांनी बंद पुकारला होता, आज न्यायालयाने अतिशय स्पष्ट भूमिका घेतल्यामुळे त्यांनी जर तो बंद परत घेतला असेल तरी ही योग्य भूमिका आहे. कारण न्यायालयाचा सन्मान हा सर्वात महत्त्वाचा आहे.

बदलापूर घटनेच्या निषेधार्थ शरद पवार उद्या सकाळी पुण्यात डॉक्टर बाबासाहेब आंबेडकर पुतळ्यासमोर बसणार आहेत. एक तास बसून बदलापूर घटनेचा निषेध करणार आहेत.सकाळी 10 ते 11 पुतळ्यासमोर बसून वेदना व्यक्त करणार आहेत.

महाविकास आघाडीने बदलापूर घटनेच्या निषेधार्ध बंद पुकारला होता. त्याविरोधात याचिका दाखल झाल्यानंतर उच्च न्यायालयाने बंद बेकायदेशीर असून राज्य सरकारने कारवाई करण्याचे निर्देश दिले. त्यामुळे महाविकास आघाडीने बंद मागे घेतला आहे, मात्र राज्यभर आंदोलन करणार असल्यांचं कॉंग्रेसचे प्रदेशाध्यक्ष नाना पटोले यांनी आज पत्रकार परिषदेत सांगितलं.

नार-पार योजनेसाठी गिरणा नदीपात्रात अर्धनग्न होऊन जलसमाधी आंदोलन सुरू आहे. जळगावच्या चाळीसगांव तालुक्यातील गिरणा नदीपात्रात हे आंदोलन सुरू आहे. नार पारची लढाई आता आरपार झाली आहे. गिरणा पट्ट्यात मुसळधार पाऊस सुरू असून नदीच्या पाणी पातळी वाढ होत आहे, मात्र मुसळधार पावसातही आंदोलकांनी आंदोलन सुरूच ठेवले आहे.

शिवसंग्रामच्या माध्यमातून आम्ही राज्यातील 5 विधानसभा मतदारसंघात तयारी करत आहोत. याबरोबरच शिवसंग्रामचे नेते स्वर्गीय विनायक मेटे यांनी मराठा आरक्षणावर लढा उभारला तशाच पद्धतीने मनोज जरांगे पाटील हे देखील लढा देत आहेत. त्यांनी त्यांची राजकीय भूमिका स्पष्ट केल्यानंतर आम्ही त्यांच्याशी संपर्क साधणार आहोत. शिवसंग्राम बीड विधानसभेसाठी तयारी करत आहे, हे त्यांच्या निदर्शनास आलेच असेल त्यामुळे या संदर्भात देखील त्यांच्याशी चर्चा करून आगामी वाटचाल निश्चित करण्यात येणार असल्याचे शिवसंग्रामच्या अध्यक्षा ज्योती मेटे यांनी म्हटले आहे.

आनंदाचा शिधाच्या कंत्राट वाटपावरून मुंबई उच्च न्यायालयाने राज्य सरकारला झापल

अनुभवी कंत्राटदाराने ६० कोटींची कमी बोली लावून देखील कंत्राट दुसऱ्याला देण्यात आल

एकीकडे उच्च न्यायालयाच्या इमारतीच्या बांधकामासाठी राज्य सरकारकडे पैसे नाहीत तर दुसरीकडे अशाप्रकारे ६० कोटी रुपयांनी वाढीव कंत्राट राज्य सरकार काढताय

कंत्राट वाटपात मोठा भ्रष्टाचार झाल्याचा याचिकरत्यांचा आरोप

पुणे विमानतळावर परदेशातून येणाऱ्या प्रवाशांची तपासणी सुरू आहे. आफ्रिकेसह इतर देशांमध्ये मंकीपॉक्सचा वेगाने प्रसार सुरू असल्याने खबरदारी घेतली जात आहे. विमानतळावर थर्मल स्कॅनरच्या सहाय्याने प्रवाशांचा ताप तपासला जात आहे.

आरे जंगलात मोठ्या प्रमाणात अवैधपणे डेब्रिज डम्पिंग सुरू आहे. अवैधपणे डेब्रिज डंपिंग करणाऱ्यांविरोधात आरे पोलीस ठाण्यात गुन्हा दाखल केला. आरे पोलिसांकडून 15 जणांना अटक केली. आठ डंपरवर जप्तीची कारवाई केली.

बदलापूरच्या शाळेत फॉरेन्सिक टीम आणि क्राईम ब्रँचची टीम दाखल झाली आहे. दोन्ही टीमकडून घटनास्थळाचा तपास केला जाणार आहे. तर शाळेतील शिक्षक, मुख्याध्यापिका यांचीही चौकशी सुरू आहे.

राज्यपाल नामनिर्देशित 12 आमदारांच्या नियुक्तीबाबतची याचिका 1 ऑक्टोबरपर्यंत तहकूब करण्यात आली आहे. पुढील सुनावणीपर्यंत नियुक्त्या न करण्याचे निर्देश देण्याची याचिकाकर्त्यांकडून कोर्टाकडे विनंती केली आहे. 'ज्या नियुक्त्या दोन वर्षात झाल्या नाहीत त्या काही लगेच होणार नाहीत", मुख्य न्यायमूर्तींनी याचिकाकर्त्यांना दिलासा दिलाय.

24 ऑगस्टच्या बंदच्या पार्श्वभूमीवर कल्याणमध्ये महाविकास आघाडीची महत्वाची बैठक होत आहे. शिवसेना ठाकरे गट, काँग्रेस, राष्ट्रवादी काँग्रेस शरद पवार गटाचे पदाधिकारी कार्यकर्ते बैठकीत सहभागी झाले आहेत. बंदमध्ये महाविकास आघाडीतील घटक पक्ष शहरातील विविध संघटना , रिक्षा संघटना, ज्वेलर्स संघटना आणि दुकान संघटना, शाळा देखील सहभागी होणार आहे.

नंदूरबार जिल्ह्यातील धडगाव स्टेट बँक शाखेत महिलांची चेंगराचेंगरी झाली. चेंगराचेंगरीत 2 महिला बेशुद्ध पडल्या. ई केवायसीसाठी आदिवासी महिलांची सकाळपासून बँकांसमोर तुफान गर्दी झाली आहे.

दोन अल्पवयीन मुलींचा विनयभंग करणाऱ्या नराधमाला डोंबिवली मानपाडा पोलिसांनी अटक केली आहे. डोंबिवली मधील सांगाव परिसरात 12 वर्षीय मुली रस्त्यावरून जात असताना या मुलींना पाहून आरोपी प्रवीण पाटील अश्लील हावभाव केले होते. काही दिवसांपूर्वी ही संतापजनक घटना घडली होती.

तीन दिवसांपासून घरी न परतलेल्या विवाहितेचा पांझरा नदीपात्रामध्ये मृतदेह आढळून आला आहे, कोमल नितीन आघाव वय 24 या विवाहितेचा मृतदेह पिंपळनेर येथील पांझरा नदीत आढळून आला आहे, या विवाहितेने आत्महत्या केली असावी असा अंदाज व्यक्त करण्यात येत असून परिसरात एकच खळबळ उडाली आहे,

दोन अल्पवयीन मुलींचा विनयभंग करणाऱ्या नराधमाला डोंबिवली मानपाडा पोलिसांनी केली अटक केली आहे. प्रवीण पाटील असे अटक आरोपीचे नाव आहे. आरोपीने डोंबिवली सांगाव परिसरात 12 वर्षीय मुलींना बघून केले होते अश्लील हावभाव केले होते. यानंतर आरोपी फरार झालेला होता.

शरद पवार हे मोठे राष्ट्रीय नेते आहेत. केंद्रातील यंत्रणाकडे काही माहिती आली असेल त्यामुळे महाराष्ट्राच्या आणि देशाचा दृष्टीने त्यांना सुरक्षितेची काळजी आहे. त्यामुळेच काळजी पोटी हा निर्णय घेतला आहे. राज्य सरकारने दिलेली सुरक्षा आणखी वाढवावी लागलाय तरी वाढवली जाईल, असं मंत्री शंभुराज देसाई यांनी म्हटलं आहे.

रविकांत तुपकर यांना पोलिसांनी ताब्यात घेतल्यानंतरही शेतकऱ्यांनी गिरगाव चौपाटीजवळ आंदोलन आंदोलन केलंय. कर्जमुक्ती, पीकविमा , सोयाबीन कापूस दरवाढ यासह शेतकऱ्यांच्या इतर मागण्यांसाठी शेतकरी नेते रविकांत तुपकर यांनी वर्षा या मुख्यमंत्र्यांच्या शासकीय निवासस्थानाबाहेर आंदोलनाचा इशारा दिला होता.

दिल्लीहून राष्ट्रीय बालहक्क आयोगाचे पथक बदलापूरसाठी रवाना झालेय. राष्ट्रीय बालहक्क आयोगाचे सचिव सदस्य रूपाली बॅनर्जी सिंग आणि सल्लागार कातायानी आनंद बदलापूरला रवाना झाले आहेत. बदलापूर बाल अत्याचार प्रकरणात पोलीस ठाणे, शाळा प्रशासन यांची आयोग चौकशी करणार आहे. पीडितेच्या पालकांची देखील आयोगाचे पदाधिकारी भेट घेणार असल्याची माहिती मिळतेय.

अमरावती जिल्ह्यात सततच्या पावसामुळे हजारो हेक्टर शेतजमिनी पाण्याखाली आल्या आहेत. दर्यापूर तालुक्यात तर कपाशी,तूर व सोयाबीन पिकाच्या शेतात दोन ते तीन फूट पाणी साचलं असून शेताला तलावाचे स्वरूप प्राप्त झाले आहे. संपूर्ण पिके हे पाण्याने खराब झालेली आहे,दरम्यान दर्यापूर मध्ये नुकसान झालेल्या शेतात अमरावतीचे खासदार बळवंत वानखडे यांनी जाऊन पाहणी करत नुकसानीचा आढावा घेतला आहे.

कोलकत्ता येथे महिला डॉक्टरवर अत्याचार करून हत्या केली. याविरोधात आणि बदलापूर येथे दोन चिमूरड्यांवरील अत्याचाराविरोधात आज लातूरच्या दयानंद कॉलेजचे छत्रपती शिवाजी महाराज चौकापर्यंत महाविद्यालयीन विद्यार्थ्यांनी हातात बॅनर धरत मूक मोर्चा काढला आहे. यावेळी मुलींचा मोठा सहभाग पाहायला मिळाला.

छत्रपती संभाजी नगर शहरातील सलीम अली सरोवरमध्ये 21 वर्षीय तरुणीचा मृतदेह आढळलाय. अपूर्वा दिलीप गजहंस असं तरुणीचं नाव आहे. अपूर्वा ही पडेगाव भागातील मीरा नगर येथे राहत होती. ती संगमनेर येथील मेडिकल कॉलेजमध्ये BHMS च शिक्षण घेत होती. प्रेम प्रकरणातून ही आत्महत्या असावी असा प्राथमिक अंदाज पोलिसांनी वर्तवला आहे.

नवी मुंबईतील सिवूड सेक्टर 48 भागात रात्रीच्या वेळी चोरांचा मुक्त वावर पाहायला मिळतोय. चोरीच्या उद्येश्याने आलेले दोघे चोरटे सिसीटीव्ही मध्ये कैद झालेत. इमारतीमधील सुरक्षा रक्षकाच्या सतर्कतेमुळे चोरट्यांनी परिसरातून धूम ठोकलीय. या घटनेमुळे एनआरआय पोलीसांनी सिवूड परिसरात पेट्रोलिंग वाढवावी, अशी मागणी नागरिकांकडून करण्यात येतेय.

बदलापुरात दोन चिमुकल्यांच्या सोबत झालेल्या अत्याचाराच्या निषेधार्थ महाराष्ट्र बंदची घोषणा करण्यात आलीय. महाविकास आघाडीकडून हा बंद केला जाणार आहे. मात्र, या बंदला महायुतीकडून टिका होत असताना चक्क महायुतीतील आरपीआय आठवले गटांने पाठिंबा दिला आहे. जिल्हाध्यक्ष भगवान भालेराव यांनी या बंदमध्ये सहभागी होत आरपीआय आठवले गट बदलापुरातील घटनेचा तीव्र निषेध करेल असे सांगितलंय.

कोल्हापूर बंदच्या पार्श्वभूमीवर हिंदुत्ववादी संघटनेच्या कार्यकर्त्यांना पोलिसांकडून ताब्यात घेण्यास सुरुवात झालीय. कोल्हापूर जिल्हा बाहेरून येणाऱ्या अनेक कार्यकर्त्यांना पोलिसांनी ताब्यात घेतलंय. छत्रपती शिवाजी चौक परिसरात पोलीस छावणीचे स्वरूप आलेय.

बदलापूर रेल रोको प्रकरणी कल्याण जीआरपी पोलिसांनी ९ आंदोलनकर्त्यांना अटक केलीय. थोड्याच वेळात त्यांना कल्याण रेल्वे कोर्टात हजर करणार आहेत. बदलापूर अत्याचाराच्या विरोधात रेल रोको आंदोलन करणाऱ्या ३०० आंदोलन कर्त्यांवर पोलिसांनी गुन्हा दाखल केलाय.

सध्या राज्यभर शाळा महाविद्यालयांच्या सुरक्षेचा प्रश्न ऐरणीवर आलाय. नाशिकच्या महाविद्यालयात चक्क प्राचार्यांच्या कार्यालयातच विद्यार्थ्यांची मारहाण झाल्याचा प्रकार घडला आहे. या मारहाणीत प्राचार्यांना देखील दुखापत झाली आहे. याप्रकरणी उपनगर पोलीस ठाण्यात गुन्हा देखील दाखल करण्यात आला आहे.

बुलढाणा जिल्ह्यात मध्यरात्रीपासून बरसत असलेल्या पावसाने अनेक लहान प्रकल्प ओव्हरफ्लो झाले आहेत. तर खामगाव तालुक्यात पडलेल्या मुसळधार पावसामुळे तालुक्यातील देवठाणा शिवारात असलेल्या एका लघु प्रकल्पाला भगदाड पडल्याने शेकडो एकर शेतीतील पीक धोक्यात आला आहे. खामगाव तालुक्यातीलच बोरजवळा लघु प्रकल्पाचा सांडवा ही ओव्हर फ्लो झाल्याने काही वेळानंतर खामगाव बोरजवळा मार्गही बंद पडण्याच्या परिस्थितीत आहे. मध्यरात्रीपासून सुरू असलेल्या पावसाने सध्या मात्र विश्रांती घेतली आहे.

महायुती सरकारला मोठा धक्का बसला आहे. सत्ताधाऱ्यांच्या १७ साखर कारखान्यांना दिलेल्या २२६५ कोटींच्या कर्ज वितरणास मुंबई उच्च न्यायालयाने मनाई केली आहे. आगामी विधानसभा निवडणुकीआधी सत्ताधाऱ्यांच्या १७ साखर कारखान्यांना शासन हमीवर सुमारे २२६५ कोटी रुपयांचे खेळत्या भागभांडवलासाठी मार्जिन मनी लोन उपलब्ध देण्याचा निर्णय राज्य सरकारने घेतला. हाच निर्णय वादात सापडला आहे.

उत्तराखंडच्या रुद्रप्रयागमध्ये मुसळधार पाऊस सुरू आहे. या मुसळधार पावसामुळे या भागात मध्यरात्री भूस्खलनाची घटना घडली. यात 4 जणांचा मृत्यू झाला. हे सर्व नेपाळी नागरिक आहेत. ते मजुरीचे काम करत होते.

बुलढाण्यात यावर्षी सरासरीच्या तुलनेत जिल्ह्यात 50 टक्केच पाऊस झाला.

आता पावसाळ्याचा शेवटचा महिना सुरु होत आहे.

अद्याप पर्यंत जिल्ह्यात मुसळधार पाऊस न झाल्याने सर्व धरणे कोरडेच

ज्ञानगंगा अभयारण्यातील एकमेव पलंढग धरण यावर्षी ओहरफ्लो

बुलढाण्याच्या अनेक तालुक्यात वादळी वारा व विजांच्या कडकडाटासह मुसळधार पाऊस

मध्यरात्रीपासून अनेक भागात मुसळधार पावसाने शेतकरी सुखावला.

काही भागात जोरदार पावसाने शेतात तुंबल पावसाचं पाणी, काही भागात शेतीच नुकसान.

घाटकोपर होर्डिंग दुर्घटना प्रकरणी संशयित अर्शद खानविरोधात अजामिनपात्र वॉरंट जारी करण्यात आला आहे.

अर्शद खानचा अटकपूर्व जामिनाचा अर्ज सत्र न्यायालयाने होता फेटाळला

घाटकोपर होर्डिंग दुर्घटना प्रकरणातील मुख्य आरोपी भावेश भिंडेच्या कंपनीकडून अर्शद खानला पैसे मिळाल्याचा आहे गुन्हे शाखेला संशय

होर्डिंग दुर्घटनेत १७ जणांचा मृत्यू तर ७० हून अधिक लोक झाले होते जखमी.

हिंदुत्ववादी संघटनांच्या वतीने आज शुक्रवारी कोल्हापूर बंदची हाक

संपूर्ण शहरभरात पोलिसांचा मोठा बंदोबस्त

शहरातील अनेक रस्त्यांवर शुकशुकाट तर दुकान बंद आहेत.

बांगलादेशमधील हिंदूंवरील अत्याचार निषेधार्थ हिंदुत्ववाद्यांचा आज कोल्हापूर बंद

मुंबईत पित्यानेच मुलाची विक्री केल्याची घटना उघडकीस आली आहे.

पत्नीच्या मृत्यूच्या अवघ्या काही दिवसात दोन वर्षीय मुलाची केली विक्री

अँटॉप हिलच्या विजयनगर येथील धक्कादायक प्रकार

उत्तर प्रदेशातील दाम्पत्याला केली मुलाची विक्री

राष्ट्रवादी अजित पवार गटाचे वसमतचे आमदार राजू नवघरे यांनी गुरुवारी रात्री मनोज जरांगे यांची भेट घेतली. अंतरवाली सराटीत दोघांमध्ये चर्चा झाली आहे. राजू नवघरे हे हिंगोली जिल्हयातील वसमतचे आमदार आहेत. दोघांमध्ये मराठा आरक्षणावर चर्चा झाली आहे. अजित पवार गटाच्या आमदाराने अचानक रात्री मनोज जरांगे यांची भेट घेतल्याने राजकीय वर्तुळात चर्चा होत आहे.