Fraud News:

राज्याचे उपमुख्यमंत्री देवेंद्र फडणवीस यांचा स्वीय सहाय्यक असल्याचे सांगत तब्बल १५ लाखांची फसवणूक केल्याचा धक्कादायक प्रकार समोर आला आहे. या प्रकरणी दोन जणांना अटक करण्यात आली असून या प्रकाराने राजकीय वर्तुळात एकच खळबळ उडाली आहे.

याबाबत सविस्तर माहिती अशी की, उपमुख्यमंत्री देवेंद्र फडणवीस (Devendra Fadanvis News) यांचा पी. ए असल्याचे दोन जणांनी १५ लाखांची फसवणूक केल्याचे उघड झाले आहे. सोसायटीचे काम करून देण्याच्या नावाखाली आरोपींनी ही फसवणूक केल्याची माहिती समोर आली आहे. सुहास महाडिक आणि किरण पाटील अशी या दोघांची नावे आहेत.

यातील सुहास महाडिक याच्यावर या पूर्वीही आग्रीपाडा पोलीस ठाण्यात एक गुन्हा दाखल आहे. या दोघांवर फसवणूक प्रकरणी मरीन ड्राइव्ह पोलिस ठाण्यात १७०, ४१९, ४२०,३४ भा द वी कलमातर्गत गुन्हा दाखल केला आहे. या प्रकरणाचा अधिक तपास मरीन ड्राइव्ह पोलिस करत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

छत्रपती संभाजीनगर शहरातल्या स्मार्ट सिटी बस स्वच्छतेच्या ठेकेदराची चार महिन्याचे सुमारे सात लाखाचे बिल काढण्यासाठी 40 हजार रुपयांची लाच घेताना स्मार्ट सिटीच्या सहाय्यक प्रकल्प व्यवस्थापकाला लाचलुचपत प्रतिबंधक विभागाने पकडले. ऋषिकेश श्रीरंग इंगळे असे लाच घेतलेल्या कर्मचाऱ्यांचे नाव आहे. (Latest Marathi News)