सध्या महाराष्ट्रात २० नोव्हेंबर रोजी सर्वत्र विधानसभा निवडणूका पार पडल्या आहेत. २३ तारखेला मतमोजणाी होणार आहे. यासंदर्भात एक्झिट पोल समोर आला आहे. कराड दक्षिण विधानसभा मतदारसंघातून भाजपचं पक्षाचं पारडं जड दिसतंय. त्यामुळे या ठिकाणी अतुल भोसले यांना जास्तीत जास्त मत मिळण्याची शक्यता आहे. अतुल भोसले या ठिकाणी निवडून येऊ शकतात.

कराड दक्षिण मतदारसंघामध्ये भाजपकडून अतुल भोसले निवडणूक लढत आहेत. तर काँग्रेसकडून पृथ्वीराज चव्हाण हे निवडणुकीच्या रिंगणात होते. या मतदारसंघात सकाळच्या एक्झिट पोलनुसार, अतुल भोसले हे संभाव्य आमदार होऊ शकतात. तर पृथ्वीराज चव्हाण यांचा पराभव होण्याची शक्यता आहे.

कराड दक्षिण मतदारसंघामध्ये माजी मुख्यमंत्री पृथ्वीराज चव्हाण यांना यावेळी धक्का बसण्याची शक्यता आहे. पृथ्वीराज चव्हाण यांच्यापुढे भाजपचे अतुल भोसले यांनी मोठं आव्हान उभं केलं.अतुल भोसले यांनी शासकीय योजना प्रभाविकपणे राबविल्या. त्याचबरोबर विकासनिधीही मोठ्या प्रमाणात आणला. त्यामुळे पृथ्वीराज चव्हाण यांना यावेळी धक्का बसण्याची शक्यता आहे.