योगेश काशीद, साम टीव्ही

बीडमधील परळी येथे प्रसिद्ध व्यापारी महादेव मुंडे यांच्या हत्येप्रकरणी आता मोठी अपडेट समोर आली आहे. आता या प्रकरणी त्यांच्या कुटुंबियांनी गंभीर आरोप केले आहे. सरपंच संतोष देशमुख यांच्या हत्येचा मुख्य सूत्रधार वाल्मीक कराडचे देखील मुंडे खून प्रकरणात नाव समोर आले आहे. मुंडे याच्या हत्येला आता दोन वर्षे पूर्ण झाली असून यामध्ये खळबळजनक खुलासे केले जात आहे. महादेव मुंडे यांच्या पत्नी ज्ञानेश्वरी मुंडे यांनी मुख्यमंत्री देवेंद्र फडणवीस यांची भेट घेतली होती. एसआयटी स्थापन करून सखोल चौकशी करण्यात यावी अशी मागणी मुंडे यांच्या पत्नीने केली होती. तसेच पोलीस अधिकाऱ्यांवर त्यांनी गंभीर आरोपही केले आहे.

आता पर्यंत सहा जणांची ब्रेन मॅपिंग तर उद्या तीन जणांची नार्को टेस्ट होणार असल्याची माहिती मिळाली आहे. आतापर्यंत तपासावर मुंडे यांच्या पत्नीने भाष्य करत खळबळजनक आरोप केले आहे. ज्या आरोपींची ब्रेन मॅपिंग पॉझिटिव्ह आली आहे, त्यांची उद्या नार्कोटेस्ट होणार आहे. SIT आणि IPS पंकज कुमावत यांनी पारदर्शक असा तपास केला आहे. ज्यांची ब्रेन मॅपिंग पॉझिटिव्ह आली आहे. ते सर्व वाल्मीक कराड यांच्या कार्यालयाशी संबंधित असलेले संशयित आरोपी आहेत. वाल्मीक कराड याने तपास थांबवला होता. असा गंभीर आरोप त्यांनी केला. तसेच त्यांच्या संबंधित असलेले संशयित आरोपींचे ब्रेन मॅपिंग पॉझिटिव्ह कसे आले. मात्र पोलिसांनी पारदर्शक असा तपास केला आहे.

घटना घडल्यानंतर सहा महिने मी घरीच होते स्थानिक पोलिसांनी घरी येऊन माझा जवाब नोंदवला परळी पोलिसांनी तपासात खूप दिरंगाई केली. बंगल्यावरील फोन मुळे तपास थांबवला गेला होता. मात्र मला न्याय पाहिजे आणि आरोपींना कठोरात कठोर शिक्षा झाली पाहिजे. न्यायासाठी मी जेव्हा विष प्राशन केले तेव्हा बंद केलेली फाईल तपासासाठी सुरू करण्यात आली. या न्यायामध्ये मला जरांगे पाटील आणि अनेक राजकीय लोकांचे पाठबळ मिळाले असून जरांगे पाटलामुळे मी मुख्यमंत्र्यांना भेटू शकले. मुख्यमंत्र्यांनीही मला एसआयटी स्थापन करून खूप मदत केली आहे.