राजेश भोस्तेकर

रायगड : नारायण राणे यांच्या विरोधात महाड येथे शिवसैनिकांनी निदर्शने केली असून शिवसैनिकांनी नारायण राणे यांच्या पुतळ्याची पुतळ्याची गाढवावरून धिंड काढली आहे. तसेच त्यांच्या पुतळ्यास चपलेचा हार घालून धिंड काढण्यात आली आहे. यावेळी राणे यांच्या प्रतिकात्मक पुतळ्याचे दहन देखील शिवसैनिकांनी केले.

हे देखील पहा -

केंद्रीय मंत्री नारायण राणे यांनी 23 ऑगस्ट रोजी महाड येथील पत्रकार परिषदेत मुख्यमंत्री उद्धव ठाकरे यांच्याबाबत आक्षेपार्ह टीका केली आहे. यानंतर राज्यात त्याचे पडसाद उमटायला सुरुवात झाली आहे. आज महाड शहर पोलीस ठाण्यात नारायण राणे यांच्या विरोधात गुन्हा दाखल झाला आहे.

राणेंच्या 'त्या' वक्तव्यावरून शिवसैनिक चांगलेच संतापले असून आक्रमक झाले आहेत. महाड शहरात नारायण राणे यांच्या पुतळ्या चपलाचा हार घालून गाढवावरून धिंड काढून राणेंच्या प्रतिकात्मक पुतळ्याचे दहन शिवसैनिकांनी केले. राणेंच्या वक्तव्याच्या निषेधार्थ शिवसैनिकांनी मुंबई गोवा महामार्ग अडवून धरला आहे. यावेळी शिवसैनिकांनी राणे यांच्या विरोधात जोरदार घोषणाबाजी केली.

Edited By : Krushnarav Sathe