सचिन कदम

Mahad News: वीज पुरवठा करणारा मोठा ट्रान्सफार्मर चोरी करणे एका चोराला चांगलेच महागात पडले आहे. या वेळी शॉक लागल्याने चोराला आपला जीव गमवावा लागला. महाड तालुक्यातील इसान कांबळे गावात ही दुखःद घटना घडली आहे. यामध्ये चोराचा मृतदेह अक्षरशः जळून खाक झाला. (Latest Marathi News)

याबाबत मिळालेल्या माहितीनुसार, गावाला विज पुरवठा करणारा मोठा ट्रान्सफॉर्मर चोरीच्या प्रयत्नात असलेल्या चोराला शॉक लागला.ज्यामध्ये त्याचा जागीच मृत्यू झाल्याची बातमी समोर आली आहे. महाड तालुक्यातील इसाने कांबळे या गावात ही घटना घडली आहे. घटनेनंतर सकाळी ग्रामस्थांना भयानक दृश्य दिसले. ज्यानंतर पोलिसांना माहिती देण्यात आली.

यावेळी चोर ट्रान्सफॉमरला चिटकून उलटा लटकला होता. या घटनेत चोराचा मृतदेह पुर्णपणे जळून खाक झाला आहे.

शॉक लागल्याने चोराचे संपूर्ण शरीर जळून खाक झाले. त्यामुळे पोलिसांनाही मृतदेहाची ओळख पटवणे कठीण झाले असून मृतदेहाची ओळख पटवण्याचे काम सुरू आहे. दरम्यान, विज पुरवठा करणाऱ्या ट्रान्सफॉरमरमधील ऑईल आणि तांब्याच्या तारा आणि पट्टयांसाठी हि चोरी केली जाते. (Mahad News)