सातारा : जुलै महिन्यात अतिवृष्टीमुळे अनेक ठिकाणी दरड कोसळल्याने आणि काही ठिकाणी तर रस्तेच वाहून गेल्याने आंबेनळी घाट ambenali ghat वाहतुकीसाठी बंद करण्यात आला होता. आज तब्बल ४५ दिवसानंतर हा घाट वाहतुकीसाठी खुला करण्यात आला आहे.

सध्या तरी फक्त हलकी वाहनेच या घाटातून प्रवास करू शकतील. अवजड वाहनांना अजून काही दिवस तरी या घाट रस्त्याने येता येणार नाही. त्यामुळे अवजड वाहतुक करणा-या व्यावसायिकांसाठी हा घाट बंदच राहणार आहे. जुलैमध्ये झालेल्या मुसळधार पावासामुळे येथे मोठमोठ्या दरडी काेसळल्या. या दरडी घाट रस्त्यावर येऊन घाटात अनेक ठिकाणी रस्ता खराब झाला हाेता. काही ठिकाणी तुटला होता. त्यामुळे येथील वाहतुक थांबविण्यात आली हाेती.

तब्बल ४५ दिवस या घाट दुरुस्तीचे काम सुरू होते परंतु अधून मधून या भागात दरडी कोसळत होत्या. आजपासून हा घाट हलक्या वाहनांसाठी खुला करण्यात आला आहे. त्यामुळे प्रतापगड, महाडकडे महाबळेश्वर मार्गे होणारी वाहतूक सुरू झाली आहे.

edited by : siddharth latkar