सातारा : महाराष्ट्राचे मिनी काश्मीर म्हणून सुपरिचित असलेले महाबळेश्वर पर्यटकांनी बहरू लागले आहे. शनिवारपासून महाबळेश्वरची गुलाबी थंडी आणि आल्हाददायक वातावरणाचा आनंद घेण्यासाठी पर्यटक मोठ्या संख्येने महाबळेश्वरात दाखल झालेले हाेते. काेविड १९ च्या मार्गदर्शक तत्वांचे पालन करीत पर्यटक महाबळेश्वरचे mahableshwar पर्यटन करताना दिसत आहेत.

जिल्हाधिकारी शेखर सिंह यांनी नुकतेच सातारा जिल्ह्यातील सर्व दुकाने रात्री दहा वाजेपर्यंत खूली ठेवण्यासाठी मुभा दिली आहे. यामुळे महाबळेश्वरातील बाजारपेठ ही रात्री दहा वाजेपर्यंत पर्यटकांसाठी खूली असते. सकाळपासून रात्रीपर्यंत महाबळेश्वरची बाजारपेठ आता पर्यटकांनी गजबजलेली पाहायला मिळत आहे.

सध्या महाबळेश्वर येथील विविध प्रेक्षणीय पॉईंट, वेण्णा लेक तलाव येथील बोटिंग बंद ठेवण्यात आलेले आहे. तरी देखील पर्यटक वेण्णा लेक परिसरात घाेडे सवारीचा आनंद लुटण्यासाठी येत आहेत. मक्याचे कणीस आणि वेगवेगळे पदार्थांचा आनंद लुटत आहेत.

Edited By : Siddharth Latkar