महाबळेश्वर : संपूर्ण राज्यात गेल्या दाेन दिवसांपासून थंडीचा कडाका वाढला आहे. मिनी काश्मीर म्हणून प्रसिद्ध असलेल्या महाबळेश्वर (Mahabaleshwar) आणि पाचगणी (panchgani) येथे तापमानाचा पारा कमी झाला आहे. आज (बुधवार) सकाळी तापमानाचा पारा नऊ अंशावर आला होता. (temperature in Mahabaleshwar is 9°celcius)

दरवर्षी डिसेंबर महिन्यात महाबळेश्वर (Mahabaleshwar) येथील वेण्णा लेक परिसरात दवबिंदू गोठत असतात. यंदा मात्र जानेवारीत थंडीचा कडाका वाढला आहे. अद्याप वातावरणात हवा तेवढा गारवा नसल्याने दवबिंदू गोठण्यास सुरवात झाली नाही.

ख्रिसमसनंतर महाबळेश्वरात पर्यटक (tourist) येण्यास प्रारंभ हाेत असताे. गेल्या काही दिवसांपासून पर्यटकांचे प्रमाण वाढले हाेते. परंतु सध्या कोरोनामुळे शासनाने पर्यटनस्थळं बंद केल्याने सातारा (satara) जिल्ह्यातील महाबळेश्वरात पर्यटकांना आता या गुलाबी थंडीची मजा घेता येणार नाही.

edited by : siddharth latkar