रायगडपासून कोल्हापूरपर्यंत आणि पुण्यापासून वाशिमपर्यंत राज्याच्या कानाकोपऱ्यात जनतेच्या गॅससाठी रांगाच रांगा लागल्या आहेत. हा आहे ,इराण-इस्रायल य़ुद्धाचा सर्वसामान्यांवर झालेला थेट परिणाम. गॅसचा भडका उडालाय आणि जनता बेहाल झालीय. रायगड जिल्ह्यातील पेण शहरात पहाटेपासून घरगुती गॅस सिलेंडरसाठी नागरिकांनी मोठी गर्दी केली.

दुसरीकडे ओटीपीची जाचक अट रद्द करून गॅस पुरवठा सुरळीत करण्याची मागणी कोल्हापूरकर करतायत. पुण्यातील सिंहगड रोड परिसरात ही अशीच काहीशी परिस्थिती आहे. एकीकडे दिवसभर रांगा लावून जनता त्रासलीय. अशातच रत्नागिरीत घरगुती गॅसच्या बुकींगनंतर सर्व्हरमध्ये 2 सिलेंडरमधील अंतर 45 दिवसांचे दाखवण्यात येतेय.. या तांत्रिक बिघाडामुळे स्वयंपाकाच्या गॅससाठी नागरिकांची ओढाताण होतेय.

तर वाशिममध्ये सर्व्हर डाऊन असल्यानं गॅस नोंदणी प्रक्रियेचा बोजवारा उडालाय. दुसरीकडे गॅससाठी जनता वणवण करत असताना उपमुख्यमंत्र्यांनी मात्र गॅस पुरवठा सुरळीत सुरू असल्याचं विधान केलंय. मात्र या सगळ्यात घरगुती गॅसमुळे आणि बुकिंगच्या तांत्रिक अडथळ्यांमुळे गृहिणींचे बजेट आणि स्वयंपाकघर दोन्ही कोलमडलयं...हे निश्चित.