बुलढाणा : केंद्रीय मंत्री नारायण राणे आज बुलढाण्यातील चिखली येथे उद्योजकता प्रशिक्षण व मार्गदर्शन शिबिरात प्रमुख पाहुणे म्हणून आले होते. यावेळी त्यांनी पत्रकारांनी विचारलेल्या अनेक प्रश्नांना उत्तरे दिली.

हे देखील पहा :

अनेक माजी शिवसैनिक आता शिवसेनेवर टीका करीत आहे असं विचारलं असता राणे म्हणाले ते खरं आहे. कारण अनेक सैनिकांची ती भावना आहे. काही माजी शिवसैनिकांनी उद्धव ठाकरेंना बाळासाहेबांकडे पाठविण्याची भाषा वापरली ती चुकीची आहे. उद्धव ठाकरेंना दीर्घायुष्य लाभो अशा शुभेच्छा ही त्यांनी यावेळी दिल्या पण मुख्यमंत्री पदाचे गुण त्यांच्यात नाही असं राणे म्हणाले.

हे सरकार आता फक्त साडेसात दिवस टिकेल अशी मिश्किल टीका ही त्यांनी केली. भुजबळांना अटक का झाली, या प्रश्नावर राणे म्हणाले, ते काय तिर्थयात्रेला गेले होते का.? ते आजकाल जास्त बोलायला लागले अशी टीका ही यावेळी नारायण राणे यांनी भुजबळांवर केली.

Edited By : Krushnarav Sathe