नागपूर - महाविकास आघाडीच्या सरकारमध्ये सध्या मंत्र्या-मंत्र्या मध्येच कलगीतुरा रंगल्याचे चित्र समोर येत आहे. अजित पवार ( Ajit Pawar) यांच्याकडे असलेल्या राज्य वस्तू आणि सेवा कर विभागाने अशोक चव्हाण यांच्या सार्वजनिक बांधकाम विभागाला पत्र पाठवले आहे. यामध्ये त्यांनी अनियमिततेची तक्रार केली आहे. जवळपास 9 कोटी रुपयाच्या कामात अनियमितता आहे अशी तक्रार यामध्ये नमूद आहे.

अशोक चव्हाण (Ashok Chavan) यांच्याकडे असलेल्या सार्वजनिक बांधकाम विभागाकडून कामांमध्ये गैरव्यवहार होत आहेत असा आरोप अजित पवार यांच्या खात्याकडून करण्यात आला आहे. नागपूर मधील राज्य व वस्तू सेवा या विभागातून नूतनीकरणासाठी जवळपास 9 कोटी रुपयांचे काम केले होते परंतु हे काम अत्यंत निकृष्ट दर्जाचे होते. त्यामुळे या कामामध्ये गैरव्यवहार झाला असल्याची तक्रार करण्यात आली आहे. एक वर्षापासून ही कामे करण्यात येत होती. यामुळे या कामांमध्ये अनियमितता असून भ्रष्टाचार झाला आहे तसा आरोप वस्तू व सेवा कर विभागाने केला आहे. आणि त्यांनी याबाबत थेट लेखी पत्र दिले आहे. त्यामुळे आता याबाबतची मोठी खळबळ उडाली आहे.

Edited By - Shivani Tichkule