Leopard Cub : सातारा शहराजवळ असणाऱ्या खिंडवाडी येथे साेमवारी रात्री पुणे बंगळूर राष्ट्रीय महामार्गावर अज्ञात वाहनाच्या धडकेत बिबट्या (leopard) ठार झाला. या घटनेची माहिती वनविभागाला (forest department) समजताच वनविभागाचे कर्मचारी घटनास्थळी पाेहचले. त्यांनी परिसराची पाहणी केली. (Breaking Marathi News)

वनविभागानं दिलेल्या माहितीनूसार मृत्यू झालेला बिबट्या हा नर जातीचा आहे. त्याचे वय अंदाजे दोन वर्ष आहे. दरम्यान वनविभागाच्या कर्मचाऱ्यांनी याला तात्काळ गाडीत घालून शवविच्छेदनासाठी वनविभागाच्या वैद्यकीय विभागात ठेवण्यात आले. (Maharashtra News)

अजिंक्यतारा किल्ला या ठिकाणाहून राष्ट्रीय महामार्गापर्यंत या बिबट्याचा आधिवास होता. रात्री शिकारीच्या शोधात हा बिबट्या या रस्त्यावर आला असावा असा अंदाज वनविभागाच्या अधिकाऱ्यांनी व्यक्त केला आहे. (Tajya Batmya)

Edited By : Siddharth Latkar