अहमदनगर - श्रीरामपूर शहरात बिबट्या शिरल्याने परिसरातील नागरिकांमध्ये भीतीचे वातावरण तयार झाले होते. बिबट्याच्या हल्ल्यामध्ये चार जण जखमी झाले असून त्यांना श्रीरामपूर येथील खासगी रुग्णालयात दाखल करण्यात आलं आहे. बिबट्या श्रीरामपुरात शिरल्याची माहिती वाऱ्यासारखी पसरताच परिसरातील नागरिकांनी बिबट्या पाहण्यासाठी मोठी गर्दी केली. वनविभागाचे पथका सह पोलीस घटनास्थळी दाखल झाले. संपूर्ण परिसर बंद करत बिबट्याला बेशुद्ध करून अखेर पाच तासानंतर बिबट्याला जेरबंद करण्यात वन विभागाच्या पथकासह पोलिसांना यश आले.

हे देखील पहा -

अहमदनगरच्या श्रीरामपूर शहरातील मोरगे वस्ती परिसरात बिबट्याने घुसून एक महिला सह दोन जणांवर बिबट्याने हल्ला केला. या हल्यात कांता कुमावत, राहुल छल्लारे बाळासाहेब अडांगळे जखमी झाले असून जखमींना श्रीरामपूर येथील रुग्णालयात उपचारासाठी दाखल करण्यात आल आहे. लोकवस्तीत बिबट्या शिरल्याने नागरिकांच्या मनामध्ये भीतीचे वातावरण निर्माण झाले होते.

Edited By - Shivani Tichkule