Nashik News : जंगलांचे प्रमाण कमी होत चालल्याने अनेक ठिकाणी माणवी वस्तीत बिबट्या, वाघ असे हिंस्र प्राणी शिरकाव करताना दिसत आहेत.अलिकडे मानवी वस्तीत बिबट्याचा वावर जास्त प्रमाणात वाढला आहे. नाशिकच्या इगतपुरीमध्ये काल बिबट्या शिकार करताना दिसला. त्याचा व्हिडीओ तेथील सीसीटीव्ही कॅमेऱ्यात कैद झाला आहे. त्यामुळे परिसरात एकच खळबळ उडाली आहे.

शनिवारी रात्रीच्या सुमारास ही घटना घटली इगतपूरी शहरातील गिरणारे परिसरात बिबट्याने (Leopard) कुत्र्याच्या पिल्लावर हल्ला केला. प्रकाश इलक यांच्या पाळीव कुत्र्याचा बिबट्याने फडशा पाडला आहे. त्यावेळी कुत्र्याचे पिल्लू प्रकाश इलक यांच्या अंगणात झोपले होते. बिबट्याने शांतता असल्याचा अंदाज घेत पिल्लाला आपले भक्ष बनवले. रात्रीची वेळ असल्याने रस्त्यावर फार वाहतूक नव्हती.

मात्र ही दृश्य सीटीव्हीमध्ये कैद झाली आहेत. यात बिबट्याने कुत्र्यावर हल्ला केला तेव्हा एका दुचाकीवरून दोन व्यक्ती जात होत्या. बिबट्याला पळताना पाहून तेही पुरते भयभीत झाले. याच परिसरात दोन दिवस आधी बिबट्याने नकुळ दुभाषे यांच्या पाळीव कुत्र्याचा (Dog) फडशा पाडला होता. त्यामुळे गिरनारे गावातील ग्रामस्त भयभीत झाले आहेत. या गावचे नगरसेवक आणि परिसरातील नागरिकांनी वनविभागाला पिंजरा लाऊन बिबट्याचा तात्काळ बंदोबस्त करण्याची मागणी केली आहे.