लातूर : लातूर (latur) शहरातून वेगवेगळ्या ठिकाणाहून लोकांना दमदाटी करून त्यांच्याकडून माेबाईल हिसकावून घेणा-या दाेन युवकांना लातूर पाेलीसांनी अटक (arrest) केली आहे. या प्रकरणात पाेलीसांनी दाेघांकडून एक दुचाकी व आठ मोबाईल (mobile) असा एकूण एक लाख 93 हजार 800 रुपयांचा मुद्देमाल जप्त केला आहे. (latur latest marathi news)

लातूर येथील गांधी चौक पोलिस ठाण्यात दाखल झालेल्या जबरी चोरीच्या गुन्हात तपासासाठी पोलीस पथक तयार करण्यात आली आहे. या पथकास दोन मुले गांधी चौक मार्केट मधील मोबाईल दुरुस्तीच्या दुकानांमध्ये त्यांच्याकडील मोबाईलला सॉफ्टवेअर मारून मोबाईलचा लॉक तोडण्या संबंधी विचारपूस करीत फिरत आहेत अशी माहिती मिळाली.

पोलिस गांधी मार्केट येथे गेले असता त्यांना आजिम कासिम सय्यद आणि कृष्णा दिगंबर भोसले हे दाेन युवक संशयितरित्या वावरताना आढळली. पाेलीसांनी त्यांना ताब्यात घेतले. त्यांची विचारपूस केली. त्यावर त्यांनी उडवा उडवीची उत्तरे दिले. पाेलीस खाक्या दाखवताच ती घडाघडा बाेलू लागली.

पाेलीसांनी त्यांची अंगझडती घेतली. त्यावेळी त्यांच्याकडे वेगवेगळ्या कंपनीचे एकूण आठ मोबाईल फोन आढळून आले. हे मोबाईल लातूर शहरातून वेगवेगळ्या ठिकाणाहून लोकांना दमदाटी करून हिसकावून घेतल्याचे त्यांनी पाेलीसांना सांगितले. दरम्यान पाेलीसांनी त्यांच्याकडून गुन्ह्यात वापरलेली दुचारी व चोरीचे आठ मोबाईल असा एकूण एक लाख 93 हजार 800 रुपयांचा मुद्देमाल जप्त केला.

Edited By : Siddharth Latkar