लातूर : बहिणीकडून चहा घेऊन घराबाहेर पडलेल्या एका तरुणाने लातुरातील बार्शी रोडवरील रेल्वे उड्डाण पुलावरुन उडी मारुन स्वतःला संपविल्याची घटना घडली. याप्रकरणी एमआयडीसी पोलीस (Police) ठाण्यात नोंद केली आहे. (Latur News Young Man Suicide)

अहमदपूर (Latur) तालुक्यातील चिखली येथील आनंद शिवाजीराव क्षीरसागर (वय २७) असे आत्‍महत्‍या (Suicide) कलेल्‍या तरूणाचे नाव आहे. आनंद याच्या दोन्ही बहिणी लातूरतील श्रीनगर भागात वास्तव्याला आहेत. दरम्यान, तो बहिणीकडे आला होता. मेडिकलवरून गोळी आणतो म्हणून घराबाहेर पडला. त्यानंतर बार्शी रोडवर असलेल्या रेल्वे उड्डाण पुलावरून उडी मारुन आत्महत्या केली.

बहिणीने फोन केला

इकडे जवळपास तास- दीड तास झाले भाऊ आला नाही; म्हणून बहिणीने भावाच्या मोबाइलवर फोन केला. घटनास्थळी असलेल्या एका व्यक्तीने मोबाईल उचलून घटनेची माहिती दिली. ही घटना ऐकून बहिणीच्या पायाखालची वाळूच सरकली.