संदीप भोसले 

लातूर : लातूरच्या निलंगा विधानसभा मतदारसंघात बंडखोरीची शक्यता वर्तविली जात आहे. कारण या मतदार संघात यावेळी पहिल्यांदाच काँग्रेस गटातल्या निलंगेकर कुटुंबाला डावलून उमेदवारी जाहीर केली आहे. यामुळे निलंगेकरांच्या समर्थकांमध्ये नाराजी पसरली आहे.

राज्याचे दिवंगत माजी मुख्यमंत्री डॉ. शिवाजीराव पाटील निलंगेकर यांचा हा पारंपारिक गड म्हणून ओळखला जातो. मात्र यावेळी (Congress) काँग्रेसकडून निलंगा विधानसभेत अभय साळुंखे यांना उमेदवारी जाहीर केली आहे. हि उमेदवारी जाहीर झाल्यामुळे काँग्रेसचे नेते अशोकराव पाटील निलंगेकर समर्थकांमध्ये एकच नाराजीचा सूर उमटल्याचे पाहण्यास मिळत आहे. या संदर्भात पक्षश्रेष्टींशी चर्चा केली जाणार असून आज या संदर्भात बैठक देखील घेण्यात आली. 

शेकडो कार्यकर्त्यांची आज बैठक घेण्यात आली आहे. बैठकीत चर्चा करून उद्या निवडणुकीविषयी भूमिका स्पष्ट करणार असल्याचं यावेळी काँग्रेस नेते अशोकराव पाटील निलंगेकर यांनी सांगितले आहे. त्यामुळे निलंगा मतदारसंघात काँग्रेसमधून बंडखोरी होण्याची शक्यता दिसत आहे.