लातूर - आज संध्याकाळी लातूर (Latur) जिल्ह्यातील औसा तालुक्यातील आपाचुंदा गावाशेजारील ओढ्यात सात वाजण्याच्या सुमारास दोघेजण मोटरसायलवरून जात असताना वाहून गेले आहेत. तर त्यातील एकजण थोडक्यात बचावला आहे दुसरा व्यक्ती वाहून गेला आहे. घटनास्थळी औसा येथील उपविभागीय अधिकारी आणि तहसीलदार घटनास्थळी दाखल झाले आहेत.

हे देखील पाहा -

बाभळगाव येथील रहिवासी असलेले आशिष येनकर आणि संतोष बिडे हे मेडिकल रीप्रझेंटिटीव्ह उमरगा येथून बाभळगाव इथ जात होते. दरम्यान आपचूंदा गावा शेजारील ओढ्याला पाणी वाहत आणि पाण्याचा अंदाज न आल्याने ते दुचाकी वरून निघाले पण त्यात वाहून गेले. यापैकी संतोष बिडे हा थोडक्यात वाचवू शकला तर आशिष येनकर हा वाहून गेला. सदरील घटना आपचूंदा गावात कळताच अनेक गावकरी आणि तरुण ओढ्याकडे धावले.

या आशिष यांचा शोध घेण्याचा खूप प्रयत्न केला पण ते अद्यापही सापडले नाहीत. या बाबतची माहिती कळताच औसान येथील महसूल विभागाचे उपविभागीय अधिकारी अविनाश कांबळे तहसीलदार भारत सूर्यवंशी यांना समजताच ते घटनास्थळी दाखल झाले. आता आशिष यांचा शोध महसूल, पोलीस अधिकारी आणि अनेक गावकरी शोध घेत आहेत.