संदिप भोसले

लातूर : लातूर शहरातील विशालनगर भागात वास्तव्यास असणारे माजी सैनिक सुशील कावळे यांचा आज सकाळी गोळी लागून मृत्यू झाला. मात्र हा घातपात आहे कि बंदूक साफ करतांना गोळी लागून मृत्यू झाला याचा तपस सुरु आहे. (Maharashtra News)

लातूर शहरातील विशालनगर परिसरात वास्तव्यास असलेले माजी सैनिक सुशील कावळे यांच्या रूममधून अचानक मोठा आवाज झाला. घरातील लोकांनी रूमच्या दिशेने धाव घेतली. रूममध्ये पाहिले असता कावळे हे रक्ताच्या थारोळ्यात पडलेले दिसून आले. तर सुशील कावळे यांच्या बाजूला एक बंदूक दिसून आली. घटनेची माहिती मिळताच लातूर (MIDC) पोलीसचे अधिकारी, कर्मचारी तात्काळ घटनास्थळी दाखल झाले. 

सादर घटनेचा पंचनामा करून पुढील तपासासाठी मृतदेह शासकीय दवाखान्यात पाठवण्यात आला आहे. बंदूक साफ करताना गोळी लागली की, घातपात झाला. या सगळ्या गोष्टीचा तपास आता लातूर एमआयडीसी पोलीस ठाण्याचे पोलीस करत आहेत.