लातूर : जिल्ह्यातील औसा शहरात तालुक्यातील नवनियुक्त ग्रामपंचायत सरपंच आणि सदस्यांच्या सत्काराचा कार्यक्रम आयोजित करण्यात आला होता. माजी पालकमंत्री आमदार अमित देशमुख (Amit Deshmukh) यांच्या हस्ते सत्कार समारंभ आयोजित केला होता. दरम्यान जिल्हाध्यक्ष श्रीशैल्य उटगे यांनी 'एकाला चलो रे' भूमिका घेतली असल्याने (Congress) काँग्रेसमध्ये गटबाजी चव्हाट्यावर आली आहे. (Tajya Batmya)

सरपंच सदस्‍यांच्‍या सत्‍कार कार्यक्रमाला जिल्हा युवक काँग्रेसचे आणि औसा तालुक्यातील अनेक पदाधिकारी आणि कार्यकर्ते सहभागी झाले नव्हते. या कार्यक्रमात भाजपचे कार्यकर्ते सहभागी झाले असल्याचा संशय खुद्द जिल्हा युवक काँग्रेसचे उपाध्यक्ष हणमंत राच्चट्टे यांनी व्यक्त केला आहे. जिल्हाध्यक्ष श्रीशैल्य उटगे यांनी आजतागायत (Latur News) जिल्ह्यातील युवक काँग्रेसच्या पदाधिकारी आणि कार्यकर्त्यांना सहभागी करून घेतले जात नसल्याचा आरोप जिल्हा युवक काँग्रेसचे उपाध्यक्ष हणमंत राच्चट्टे यांनी केला आहे.

मतभेद बाजूला ठेवाः आमदार देशमुख

यावर आमदार अमित देशमुख यांनी भर सभेत काँग्रेस पदाधिकारी यांच्या कानपिचक्या घेतल्या आहेत. काँग्रेसने सामान्य माणसासाठी जो लढा उभा केला आहे. त्यासाठी आपापसातील मनभेद आणि मतभेद बाजूला सारले पाहिजे. हाच संदेश या कार्यक्रमातून पदाधिकारी आणि कार्यकर्त्यांना दिला असल्याचे आमदार अमित देशमुख यांनी स्पष्ट केले आहे.