लातूर: लातूर (Latur) शहरातील काही तरुणांना टवाळखोरीची सवय लागली आहे. यामुळे लातूर जिल्ह्यातील सर्वसामान्य नागरिकांना मोठ्या त्रासाला सामोरे जावे लागत आहे. काल गुरुवारी, रात्री सात वाजण्याच्या सुमारास कृपा सदन रोड भागात काही तरुणांचा गट टवाळखोररी करत असल्याची माहिती पोलिसांना मिळाली होती. लागलीच पोलिसांनी या ठिकाणी धडक देत १५ टवाळखोर तरुणांना ताब्यात घेतले आहे. लातूरच्या विवेकानंद पोलिस स्टेशनच्या पोलिसांनी ही धडक कारवाई केली आहे. (Latur Crime News)

हे देखील पाहा -

कृपा सदन येथे काही तरुण मुले सार्वजनिक ठिकाणी रस्त्यावर टवाळखोरी करीत आहेत, अशी माहिती विवेकानंद चौक येथील पोलीस अधिकारी व अंमलदार यांना मिळाली होती. सदर ठिकाणी तात्काळ जाऊन रात्री सात वाजण्याच्या दरम्यान टवाळखोरी करीत असलेल्या १५ मुलांना ताब्यात घेऊन म. पो. का. कलमप्रमाणे कार्यवाही केली आहे. कृपा सदन रोड येथे विविध शाळा, क्लासेस असल्यामुळे सदर ठिकाणी गर्दीचे प्रमाण जास्त असते त्यामुळे सदर ठिकाणी अशा प्रकारची कार्यवाही सतत करण्यात येणार आहे.

टवाळखोरी करणाऱ्या मुलांवर पोलीसांचे बारीक लक्षं असून काही अनूचित प्रकार आढळल्यास तात्काळ कायदेशीर कार्यवाही करण्यात येणार आहे. सदरची कामगीरी ही पोलीस स्टेशन विवेकानंद चौक, लातूर येथील पो.नि. सुधाकर बावकर, पोउपनि महेश गळगटे आणि चार्ली पथक यांनी केली आहे.

Edited By - Akshay Baisane