Latur Accident News : लातुरात एसटी बस उलटल्याची घटना घडली आहे. लातुर-पुणे एसटी बस मुरुड जवळच्या बोरगावकाळे इथं उलटली आहे. एसटी चालकाचा ताबा सुटल्याने बस पुलाखाली जात उलटली . आज मंगळवारी सकाळी दहाच्या सुमारास हा अपघात घडला आहे. अपघातानंतर परिसरात एकच खळबळ उडाली आहे. (Latest Marathi News)

मिळालेल्या माहितीनुसार, लातूर-पुणे एसटी बस मुरुड जवळच्या बोरगावकाळे इथं उलटली आहे. एसटी चालकाचा ताबा सुटल्याने बस पुलाखाली जात उलटली आहे. आज, मंगळवारी सकाळी दहा वाजणाच्या सुमारास हा अपघात घडला आहे. या अपघातानंतर परिसरात एकच खळबळ उडाली. अपघातानंतर प्रवाशांमध्ये एकच भीती पसरली.

एसटी बसच्या (ST Bus) अपघातात एसटीमधील ३० प्रवासी जखमी झाले आहेत. तर गंभीररित्या जखमी झालेल्या १४ जणांना लातुरच्या शासकीय रुग्णालयात तातडीने हलविण्यात आले आहे. काही जखमी प्रवाश्यांवर मुरुड येथील रुग्णालयात उपचार करण्यात येत आहेत.

लातूर-मुरुड हा रस्ता अरुंद आहे. त्यामुळे या रस्त्यावर अपघातात अनेकांना आपला जीव गमवावा लागला आहे. लातूर डेपोची ही बस पुणे-वल्लभनगरकडे आज सकाळी निघाली होती.

बोरगावकाळे जवळ आल्या नंतर अरुंद रस्त्यावर पुढून येणाऱ्या वाहनाला साईड देताना चालकाचा ताबा सुटला आणि बस रस्त्याखाली जाऊन उलटली. या अपघातात बसचेही मोठे नुकसान झाले आहे.