Maharashtra politics News : विधानसभा निवडणुका जशा जवळ येऊ लागल्या तसं आघाडी आणि युतीमधील जागावाटपाचा पेच समोर येत आहे. विदर्भातील ६२ जागांवर महायुती आणि मविआने लक्ष केंद्रीत केले आहे. नुकत्याच आलेल्या सर्व्हेनुसार विदर्भातील वातावरण मविआसाठी पोषक असल्याचा अंदाज वर्तवला होता. पण येथेच मविआसमोर जागा वाटपाचा पेच आहे. विदर्भातील ३३ जागांवर मविआमध्ये तिढा असल्याचे समोर आलेय. विदर्भातील २९ जागांचा मविआचा प्रश्न सुटलाय. दुसरीकडे महायुतीचं विदर्भातील ७० टक्के जागांवर एकमत झालेय.

विदर्भात मविआपुढे पेच -

विदर्भातील ६२ जागांपैकी २९ जागांचा पेच सुटला आहे. या जागांवर कोणत्याही एकाच पक्षाने दावा केल्याने मविआचा पेच सुटलाय. पण ३३ जागांवरील तिढा कायम आहे. मिळालेल्या माहितीनुसार, विदर्भातील जागा वाटपात काँग्रेस नमते घेण्यास तयार नाही. तिन्ही पक्षाच्या नेत्यांमध्ये झालेल्या बैठकीत आतापर्यंत २९ जागांचा मार्ग मोकळा झालाय. पण ३३ जागांवर तिढा कायम आहे.

मविआचा कोणत्या जागावरील मार्ग मोकळा -

नागपूर - काटोल, सावनेर, कामठी, दक्षिण-पश्चिम नागपूर, पश्चिम नागपूर, मध्य नागपूर

भंडारा - साकोली

गोंदिया - आमगाव

चंद्रपूर - चंद्रपूर, ब्रह्मपुरी, चिमूर, राजुरा, वरोरा

वर्धा - देवळी

अमरावती - तिवसा, अमरावती, मोर्शी, बडनेरा

यवतमाळ - आर्णी, राळेगाव, उमरखेड, पुसद

अकोला - बाळापूर, अकोला, अकोला पूर्व

बुलढाणा - मलकापूर, खामगाव, शिंदखेड राजा

वाशिम - रिसोड