सातारा panchgani latest news rain update : सातारा जिल्ह्यात गत २४ तासांत मुसळधार पाऊस झाला. यामुळे शेतीचे नुकसान झाले आहे. याबराेबरच आज (गुरुवार) सकाळच्या सुमारास वाई पाचगणी रस्त्यावर पसरणी घाटात दरड कोसळली हाेती. यामुळे वाईहून पाचगणी, महाबळेश्वर येथे जाणारी वाहतुक खाेळंबली हाेती.

या घाटातील दत्त मंदिराच्या वरच्या बाजूला ही दरड (landslide) कोसळली. या घटनेची माहिती मिळताच प्रशासनाने युद्धपातळीवर काम करून दरड हटवली. सध्या वाई पाचगणी, महाबळेशश्वरला पसरणी घाटातून जाणारी वाहतूक धीम्या गतीने सुरू आहे.

दरम्यान या भागात सतत संतधार पाऊस पडत आहे. याबराेबरच दाट धुक्याचे प्रमाण आहे. पर्यटकांनी तसेच नियमीत येणा-या वाहनधारकांनी घाटातून मार्गक्रमण करीत असताना वाहने सावकाश चालवावीत असे आवाहन पाेलिस दलाने केले आहे.

edited by : siddharth latkar