Marathi Headlines

• बुलडाण्यात शेतीच्या वादातून तुंबळ हाणामारी; एकाचा मृत्यू, ८ जण गंभीर

• नातेवाईकांमध्ये रक्तरंजित संघर्ष! शेतीच्या वादातून एकाचा जीव घेतला

• शेती वादातून नातेवाईकांमध्येच ही तुंबळ हाणामारी झाली.

• याप्रकरणी ९ जणांना अटक करण्यात आली

संजय जाधव, बुलडाणा

शेतीच्या वादातून नातेवाईकांमध्ये तुंबळ हाणामारी झाल्याची घटना बुलडाण्यात घडली. शेतीच्या वादातून एकमेकांच्या जीवावर उठले. या हाणामारीत एकाचा मृत्यू तर ८ जण गंभीर जखमी झाले आहेत. ही घटना मेहकर तालुक्यातील नागापूर येथे घडली. या प्रकरणी पोलिस ठाण्यात परस्परविरोधी तक्रार दाखल करण्यात आल्या आहेत. दोन्ही गटाकडील १८ जणांविरोधात गुन्हा दाखल करत पोलिसांनी तपास सुरू केला आहे. या प्रकरणी आतापर्यंत ९ जणांना अटक करण्यात आली आहे.

मिळालेल्या माहितीनुसार, बुलडाणा जिल्ह्याच्या मेहकर तालुक्यातील नागापूर येथे शेतीच्या वादातून नातेवाईकांमध्ये हाणामारी झाली. या हाणामारीत एकाचा मृत्यू तर आठ जण गंभीर जखमी झाले. या प्रकरणात डोणगाव पोलिसांनी ९ जणांना अटक केली आहे . महत्वाचे म्हणजे या प्रकरणात दोन्ही बाजूंनी परस्परविरोधी तक्रारी नोंदविण्यात आल्या आहेत. या घटनेमुळे बुलडाण्यात खळबळ उडाली आहे.

या प्रकरणात पहिली तक्रार विकार खां जाबीर खां पठाण यांनी डोणगाव पोलिसात केल्याने दुसऱ्या गटातील ८ जणांविरुद्ध गुन्हा दाखल करण्यात आला. तर दुसऱ्या गटातील सय्यद इमरान सय्यद रहीम यांनी सुद्धा तक्रार दिल्याने १० जणांविरुद्ध गुन्हा दाखल करण्यात आला आहे. मात्र या हाणामारीच्या घटनेते सय्यद अय्याज सय्यद वाहेद यांचा मृत्यू झाला आहे. ही घटना शेतीच्या वादातून झाली असून पोलिस या घटनेचा तपासा करत आहेत.