स्टँड अप कॉमेडियन कुणाल कामराने केलेलं विडंबन शिंदे गटाला चांगलंच झोंबलंय.. शिंदे गटाने आधी कुणाल कामराच्या स्टुडिओची तोडफोड करत गुन्हा दाखल केला..त्यानंतर कुणाल कामराच्या खात्यात देश विदेशातील प्रेक्षकांकडून मदतीचा ओघ सुरु झालाय.. आतापर्यंत ऑनलाईन पद्धतीने 5 कोटींपेक्षा जास्त रक्कम जमा झाल्याची माहिती समोर आलीय.. हाच धागा पकडून संतापलेल्या शिंदे गटाने कामराला मिळालेल्या देणगीची चौकशी करण्याची मागणी गुन्हे शाखेकडे लेखी तक्रार करत केलीय..

शिंदेंच्या तक्रारीत नेमकं काय? (HEADER)

कामराच्या उत्पन्नाच्या स्त्रोतांबद्दल शंका

कामराला देश-विदेशातून निधी मिळाल्याचा संशय

कामराला मिळालेल्या विदेशी निधीच्या स्त्रोतांची चौकशी करावी

कुणाल कामराने शोमध्ये एकनाथ शिंदेंचं नाव न घेता अप्रत्यक्षपणे गद्दार असा उल्लेख केला होता.. या प्रकरणी कामराला मद्रास उच्च न्यायालयाने अटकेपासून अंतरिम संरक्षण दिलंय.. मात्र आतापर्यंत नेमकं काय घडलंय? पाहूयात...

कुणाल कामराच्या अडचणी वाढणार?

कुणाल कामराची शोमधून शिंदेंवर अप्रत्यक्ष टीका

कामराच्या हॅबिटॅट स्टुडिओची शिंदे गटाकडून तोडफोड

कामराविरोधात शिंदे गटाकडून गुन्हा दाखल

कामराला मद्रास उच्च न्यायालयाचा 7 एप्रिलपर्यंत दिलासा

कामराने वकिलामार्फत बाजू मांडल्याची माहिती

कुणाल कामराला पोलिसांची तिसरी नोटीस

कुणाल कामरा स्टँड अप कॉमेडीच्या माध्यमातून युट्यूब, इंस्टाग्राम आणि फेसबुकवरुन लाखो रुपये कमावतो... मात्र शिंदेंवरील टीकेनंतर कामराला देण्यात येणाऱ्या देणगीत वाढ झालीय.. त्यामुळे कामराला देणगी देणाऱ्यांमध्ये सर्वसामान्य चाहते आहेत की देश-विदेशातील संघटना? याची चौकशी होणार आहे.. त्यामुळे या अग्नीपरीक्षेतून कुणाल कामरा सहीसलामत सुटणार की शिंदे गटाच्या तक्रारीमुळे अडचणीत येणार? याकडे लक्ष लागलंय...