- नवनीत तापडिया

Chhatrapati Sambhaji Nagar Crime News : मी ईडी खात्याचा अधिकारी असल्याची बतावणी करुन एका महिलेला 50 हजार रुपयांना फसविल्याची घटना छत्रपती संभाजीनगर येथे घडली. या प्रकरणी एका अज्ञातावर गुन्हा दाखल करण्यात आला आहे.  (Maharashtra News)

पोलिस निरीक्षक संतोष पाटील यांनी घटनेबाबत दिलेली माहिती अशी - ईडी (ED) अधिकारी असल्याची बतावणी करीत मला सरकारी सहायता निधीच्या सर्व योजनांची पूर्ण माहिती आहे. मी तुमच्या गुडघ्याच्या व तुमच्या पतीच्या अँन्जीओप्लास्टीच्या शस्त्रक्रियेसाठी मुख्यमंत्री सहाय्यता निधीतून दहा लाख रुपये मिळवून देतो असे एका महिलेला अज्ञात व्यक्तीने सांगितले.

संबंधित व्यक्तीने महिलेकडून 50 हजार रुपये घेतले. धक्कादायक गाेष्ट म्हणजे फोन पे या app वरून ही रक्कम वृद्ध महिलेकडून अज्ञाताने घेतली आहे. या प्रकरणी क्रांती चौक ठाण्यात गुन्हा दाखल करण्यात आला आहे. स्मिता अरविंद देशपांडे असे फसवणूक झालेल्या महिलेचे नाव असल्याची माहिती पोलिस निरीक्षक संतोष पाटील यांनी दिली.

Edited By : Siddharth Latkar