कोपरगांव (अहमदनगर) : राज्य परिवहन महामंडळाच्या बसने प्रवास करणाऱ्या ४५ वर्षीय महिलेचा धावत्या बसमध्ये (St Bus) हृदयविकाराच्या झटक्याने मृत्यू झाल्याची घटना कोपरगाव (Kopargaon News) परिसरात घडली आहे. ही महिला बसमध्ये अचानक बेशुद्ध पडल्याने चालक- वाहकाने बस थेट ग्रामीण रुग्णालयात (Hospital) नेली. मात्र तिथे डॉक्टरने तीला मयत घोषित केले. (Kopargaon Today News)

नबाबाई सोनवणे (वय ४५) या नंदुरबारला जाण्यासाठी आपल्या नातेवाईकांसह अहमदनगर (Ahmednagar) येथून श्रीगोंदा- धुळे (Dhule) बसमध्ये बसल्या होत्या. मात्र बस कोपरगाव परिसरात आल्यानंतर त्यांना त्रास होऊ लागला आणि धावत्या बसमध्ये त्यांचा हृदयविकाराच्या झटक्याने मृत्यू झाला. यावेळी आगार व्यवस्थापक अभिजीत चौधरी यांच्या सूचनेनुसार वाहकाने मृत महिलेच्या नातेवाईकांना पुढील प्रवासाच्या तिकिटाचे पैसे परत करत माणुसकीचे दर्शन घडवले. याप्रकरणी कोपरगाव शहर पोलीस ठाण्यात अकस्मात मृत्यूची नोंद करण्यात आली.