Kolhapur News : कोल्हापूर जिल्ह्यात मागील काही दिवसांपासून मुसळधार पाऊस सुरु आहे. गेल्या ३-४ दिवसांपासून पावसाचं प्रमाण वाढल्याने नद्यांच्या पाणीपातळीतही वाढ झाली आहे. त्यामुळे कोल्हापूरला पुराचा धोका निर्माण झाला आहे. पंचगंगा नदी धोका पातळीवर वाहत आहे.

दरम्यान आजही कोल्हापूरला हवामान विभागाने पावसाचा ऑरेंज अलर्ट दिला आहे. त्यामुळे सकाळपासूनच मुसळधार पाऊस सुरु आहे. त्यामुळे पुराचा संभाव्य धोका लक्षात घेतला उद्या जिल्ह्यातील शाळांना जिल्हाधिकाऱ्यांनी सुट्टी जाहीर केली आहे.

कोल्हापूर जिल्ह्यातील 28 पूर प्रवण क्षेत्रातील शाळांना उद्यापासून सुट्टी जाहीर करण्यात आली आहे. कोल्हापूर जिल्ह्यात पडत असलेल्या मुसळधार पावसामुळे जिल्हा प्रशासनाने निर्णय घेतला. या शाळांचा वापर निवारा केंद्रासाठी करण्यात येणार असल्याची माहिती कोल्हापूरचे निवासी उपजिल्हाधिकारी भगवान कांबळे यांनी दिली आहे.