रणजीत माजगावकर

Kolhapur News :

राज्यभरात आज १० दिवस मनोभावे पूजा केलेल्या लाडक्या गणरायाचं विसर्जन केलं जाणार आहे. लाडक्या बाप्पाला मोठ्या उत्साहात निरोप देण्यासाठी सर्वचजण सज्ज झाले आहे. त्यासाठी मोठी तयारीही केली जात आहे. मात्र विसर्जनाच्या पूर्वसंध्येला कोल्हापुरात लाजीरवाणी घटना समोर आली आहे.

विसर्जन मिरवणुकीसाठी ट्रॅक्टर ट्रॉली पुढे घेण्यावरून तुफान दगडफेक झाल्याची घटना घडली आहे. मंडळातील कार्यकर्त्यांमध्ये खरी कॉर्नर परिसरात हा तुफान राडा झाला.

या तुंबळ हाणामारीदरम्यान दगडफेकीची घटनाही घडली आहे. यामध्ये दोन जण जखमी झाल्याची प्राथमिक माहिती आहे. या घटनेनंतर खरी कॉर्नर परिसरात तणावाचं वातावरण आहे. जुना राजवाडा पोलीस घटनास्थळी दाखल झाले आहे.