नागपूरकरांसाठी आनंदाची बातमी आहे. नागपूरकरांनो तुम्हाला अंबाबाई देवीचं दर्शन करायचंय? पण रस्त्याने जाण्यास वेळ लागतो. तर तुमच्यासाठी आनंदाची बातमी आहे. पुढच्या महिन्याच्या १५ तारखेपासून नागपूर ते कोल्हापूरदरम्यान विमान वाहतूक सेवा चालू करण्यात येणार आहे. कोल्हापूर-गोवा आणि कोल्हापूर- दिल्ली या नव्या मार्गावरील सेवांसह कोल्हापूर-नागपूर या मार्गावर आता सेवा सुरू केली जाणार आहे.

आठवड्यातील पाच दिवस १२ बिझनेस क्लास आणि ६४ इकोनॉमी क्लास आसन व्यवस्था असलेल्या विमानाचे उड्डाण होणार आहे. याबाबतची माहिती खासदार धनंजय महाडिक यांनी दिलीय. खासदार धनंजय महाडिक यांनी केलेल्या पाठपुराव्यामुळे कोल्हापूर आणि नागपूर हवाई सेवा आहे.आठवड्यातील पाच दिवस कोल्हापूर-नागपूर-कोल्हापूर विमानसेवा सुरू होतेय. स्टार एअरवेजच्या विमानात 12 बिझनेस क्लास आणि 64 इकोनॉमी क्लास आसन व्यवस्था असणार आहे. विमान सेवा सुरू झाल्यानं कोल्हापूरमधील उद्योग, व्यापार, पर्यटनाला चालना मिळणार आहे. कोल्हापूरचं विमानतळ आता नवनवीन भरारी घेऊ लागले आहे.