- रणजीत माजगावकर

Kolhapur :

कोल्हापुर जिल्ह्यात चाे-यांचे प्रमाण वाढले हाेते. विशेषत: नागरिकांचे माेबाईलची चाेरी हाेण्याचे प्रमाण वाढले हाेते. काेल्हापुर शहरातील पाच बंगला परिसरात मोबाईल चाेरी प्रकरणात एकास अटक करण्यात आली. त्याच्याकडून शाहूपुरी पोलिसांनी 79 हजार रुपयांचे 13 मोबाईल जप्त केले आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शाहूपुरी येथील पाच बंगला परिसरातील एका मोबाईल शॉपीमधून 13 मोबाईलची चाेरी झाली हाेती. या चोरीचा छडा लावण्यात शाहूपुरी पोलिसांना 24 तासात यश आले आहे. पाेलिसांनी राज उर्फ रविराज महेश कसबेकर याला अटक केली.

पाेलिसांनी दिलेल्या माहितीनूसार राज उर्फ रविराज कसबेकर हा रेकॉर्डवरील गुन्हेगार आहे. ताे चोरीचे मोबाईल विकण्यासाठी मध्यवर्ती बस स्थानक येथे येणार असल्याची माहिती मिळाली होती. (Maharashtra News)

पोलिसांनी परिघ पूला नजीक सापळा रचून राज याला ताब्यात घेतले. त्याच्याकडे वेगवेगळ्या कंपन्यांचे 13 मोबाईल मिळून आले. पोलिसांनी चौकशी केली असता त्याला याेग्य माहिती देता आली नाही. त्यानंतर त्याने गुन्ह्याची कबुली दिली. त्याच्यावर शाहूपुरी, राजारामपुरी, गांधीनगर पोलीस ठाण्यात सात गुन्हे दाखल आहेत अशी माहिती पाेलिसांनी दिली.

Edited By : Siddharth Latkar