Kolhapur Crime News:

महिलांच्या सुरक्षेसाठी राज्यात विविध योजना आणि अभियान राबवले जातात. मात्र माणसांच्या मनातील विकृती संपत नाही तोपर्यंत महिला सुरक्षित राहणार नाहीत. कोल्हापुरात पुन्हा एकदा एक विचित्र घटना घडली आहे. एकतर्फी प्रेमातून तरुणीवर बलात्कार करत तिची हत्या करण्यात आली आहे. (Latest Marathi News)

या घटनेमुळे संपूर्ण गाव हादरून गेलाय. या प्रकरणी संशयीत आरोपीला पोलिसांनी ताब्यात घेतलंय. ९ ऑक्टोंबर रोजी रात्री ८ च्या सुमारास सदर घटना घडलीये. तरुणी आपल्या घरी जात असताना वाटेतच आरोपीने तिचा रस्ता अडवला. त्यानंतर मला तुझ्याशी बोलायचंय असं म्हणत त्याने तिला अज्ञात स्थळी नेलं.

त्या ठिकाणी दोघांमध्ये जोरदार वाद झाला. पुढे आरोपीने पीडितेवर लैंगिक अत्याचार केला. त्यानंतर गळा आवळून तिची हत्या केली, अशी महिती पोलिसांनी दिली आहे. रविवारी एक व्यक्ती वैरण घेण्यासाठी या ठिकाणी गेला होता. त्यावेळी अर्धनग्न अवस्थेत तरुणीचा मृतदेह आढळला.

तरुणीची हत्या होऊन ६ दिवसांचा कालावधी झाला होता. त्यामुळे तिचा मृतदेह कुजलेल्या अवस्थेत होता. सदर व्यक्तीने घटनेची माहिती तातडीने पोलिसांना दिली. पोलिसांनी तात्काळ घटनास्थळी धाव घेत मृतदेह ताब्यात घेतलाय.

संशयीत आरोपीला देखील पोलिसांनी ताब्यात घेतलं. तपासादरम्यान सदर आरोपी याआधी काही प्रकरणांमध्ये गुन्हेगार असल्याचे रेकॉर्डमध्ये सापडलेय. त्यामुळे पोलिसांनी कसून चौकशी केल्यावर आरोपीने आपल्या गुन्ह्याची कबुली दिलीये.