>> रणजित माजगावकर

Kolhapur Crime News:

कोल्हापुरातील शाहूवाडी तालुक्यातील मलकापूर इथं गावात माणुसकीला काळीमा फासणारी घटना समोर आली आहे. एका 54 वर्षीय नराधमाने 23 वर्षे गतिमंद मुलीवर अत्याचार केल्याची धक्कादायक घटना घडली आहे.

पीडित युवती ही गर्भवती राहिल्याने हा सर्व प्रकार उघडकीस आला. पीडित मुलीच्या आईने संशयित आरोपी अनिल याच्या विरोधात शुक्रवारी शाहुवाडी पोलीस ठाण्यात फिर्याद दिली असून गुन्हा दाखल करण्यात आला आहे. मात्र दोन दिवस झाले तरीही पोलीसांनी संशयिताला अटक केली नसल्याने या विरोधात आज मलकापूर बंदची हाक देण्यात आली होती.

गतिमंद युवतीच्या असहाय्यतेचा गैरफायदा घेत माणुसकीला काळीमा फासणाऱ्या नराधमास कठोरात कठोर शिक्षा व्हावी, तसेच कोणीही संशयित आरोपीचे वकीलपत्र घेऊ नये, या मागणीसाठी आज मलकापूर बंदची हाक देण्यात आली होती. (Latest Marathi News)

तर या पार्श्वभूमीवर आज शहरातील महिला, युवक, युवती व नागरिकांनी मध्यवर्ती छत्रपती शिवाजी महाराज चौकात एकत्र येत शहरातून मूक निषेध फेरी काढत संशयित आरोपीच्या अटकेची मागणी करण्यात आली.

आरोपीला कठोरात कठोर शिक्षा झालीच पाहिजे, अशी संतप्त मागणी करीत आंदोलक महिलांनी पोलीस निरीक्षक राजेंद्र सावंत्रे यांना निवेदन सादर केले आहे. दरम्यान, पोलिसांनी संशीयत आरोपीला अटक केली असून पुढील कारवाई सुरू करण्यात आली आहे.