अकोला : मुख्यमंत्री उध्दव ठाकरे यांच्या चार महान शिवसैनिकांचे shivsainik घोटाळे जनतेसमोर आणणार असल्याचा दावा भारतीय जनता पक्षाचे नेते किरीट सोमय्या kirit somaiya यांनी आज (शुक्रवार) अकोल्यात केला. साेमय्या हे वाशीम जिल्हा दाै-यावर आहेत. त्यापूर्वी त्यांनी अकोल्यात पत्रकारांशी संवाद साधला.

साेमय्या म्हणाले खासदार भावना गवळी यांनी केलेला घोटाळा उघडकीस आणण्यासाठी मी वाशीमला निघालाे आहे. मुख्यमंत्री उध्दव ठाकरे यांचे सचिव मिलिंद नार्वेकर यांनी दापोलीत समुद्र किनाऱ्यावर बंगला बांधला आहे. ताे बंगला लवकरच जमीनदोस्त करणार असल्याचे सोमय्या म्हणाले. मी काही दिवसांपुर्वीच तेथे जाऊन एका सुनावणीस उपस्थित राहिल्याचेही त्यांनी नमूद केले. या आठवड्यातच त्याला मुहर्त लागेल असेही त्यांनी स्पष्ट केले.

दरम्यान त्यांना जनशीर्वाद यात्रेवरून विचारलेल्या एका प्रश्नावर साेमय्या यांनी राज्य सरकावर ताशेरे आेढले. ते म्हणाले हे सरकार डाकूचे सरकार आहे. हम करेसो कायदा असे हे सरकार असल्याचा आरोपही त्यांनी केला. दरम्यान खासदार भावना गवळी, मिलींद नार्वेकर, अनिल परब तसेच यशवंत जाधव यांचे घाेटाळे आपण उघडकीस आणणार असल्याचे साेमय्या यांनी नमूद केले.

Edited By : Siddharth Latkar