अंबरनाथमध्ये एका तरुणाची दगडाने ठेचून निर्घृण हत्या झाल्याची घटना घडली असून, डी एम सी कंपनीच्या कम्पाउंड मध्ये निर्जन ठिकाणी ही हत्या करण्यात आल्याने आज दुपारी हा प्रकार उघडकीस आला आहे. हत्या झालेल्या तरुणाचे नाव रवी तिवारी असे असून तो येथील ठाकुरपाडा परिसरात रहायचा, घटनेची माहिती मिळताच अंबरनाथ पोलीस घटनास्थळी दाखल झाले असून, मृतदेहाचा पंचनामा केला जात आहे. उल्हासनगर परिमंडळ चार चे पोलीस उपायुक्त प्रशांत मोहिते यांनी घटनास्थळी पाहणी केली असून, पूर्व वैमान्यस्यातून हि हत्या झाल्याचे बोलले जात आहे. मात्र हत्येने अंबरनाथ पश्चिम भागात खळबळ माजली आहे.