नांदेड: खुनाच्या घटनेने नांदेड पुन्हा एकदा हादरले आहे. नांदेड (Nanded) मध्ये एका साप्ताहिकाच्या संपादकाचा (newspaper editor) चाकूने भोसकून खून करण्यात आला आहे. ही धक्कादायक घटना काल रात्री ९ वाजेच्या सुमारास मिलगेटरोडवर घडली आहे. प्रेमानंद जोंधळे असे मृत व्यक्तीचे नाव आहे. शेजाऱ्याला टिव्हीचा (TV) आवाज कमी करण्यास सांगितल्याने दोघांत वाद होत होते.

हे देखील पाहा-

या गोष्टीचा राग मनात धरुन शेजारी राहणाऱ्या कृष्णा हातांगळे याने प्रेमानंदला रस्त्यात गाठून छाती, पोटावर असे ८ ठिकाणी चाकुने भोसकले आणि आरोपी फरार झाला आहे. पोलिस (Police) आणि स्थानिकांनी रक्ताच्या थारोळ्यात पडलेल्या प्रेमानंद यांना जिल्हा शासकीय रुग्णालयात (hospital) दाखल केले. मात्र, प्रेमानंद यांचा उपचारापुर्वीच मृत्यू झाला होता.

दरम्यान, या प्रकरणात मारेकरी कृष्णा हातांगळे विरोधात खुनाचा गुन्हा दाखल करण्यात आला आहे. कालच दुपारी तुप्पा येथे एकावर गोळीबार (Firing) झाला होता आणि रात्री खुनाच्या या घटनेमुळे परिसरात भितीचे वातावरण निर्माण झाले आहे. या प्रकरणाचा अधिक तपास पोलीस करत आहेत.

Edited By- Digambar Jadhav